CBSE એ 10 રાજ્યોમાં 20 સ્કૂલોની માન્યતા કરી રદ્દ, જુઓ લિસ્ટ

CBSE સેક્રેટરી હિમાંશુ ગુપ્તાએ આ મામલે જણાવ્યું હતું કે આ 20 સ્કૂલો માત્ર નિયમોની વિરુદ્ધ જ નહીં પરંતુ ગેરરીતિમાં પણ સામેલ હતી.

ફાઈલ તસવીર

Source : @cbseindia29

Educational News: સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ દેશના વિવિધ રાજ્યોમાં 20 શાળાઓની માન્યતા રદ કરી છે. ઉત્તર પ્રદેશ, દિલ્હી, જમ્મુ અને કાશ્મીર, રાજસ્થાન, છત્તીસગઢ, આસામ, મહારાષ્ટ્ર અને મધ્યપ્રદેશ ઉપરાંત આ 20 શાળાઓ કેરળ અને ઉત્તરાખંડની પણ છે. CBSE સેક્રેટરી હિમાંશુ ગુપ્તાએ આ મામલે જણાવ્યું હતું કે આ 20 સ્કૂલો માત્ર નિયમોની વિરુદ્ધ જ નહીં પરંતુ ગેરરીતિમાં પણ સામેલ હતી.

કયા રાજ્યમાં કેટલી શાળાઓ છે?

જે રાજ્યોની શાળાઓ રદ કરવામાં આવી છે. તેમાંથી દિલ્હીમાં 5 અને ઉત્તર પ્રદેશમાં ત્રણ શાળાઓ છે. કેરળ, મહારાષ્ટ્ર, રાજસ્થાન અને છત્તીસગઢમાં બે-બે શાળાઓ છે. જ્યારે, જમ્મુ-કાશ્મીર, ઉત્તરાખંડ, મધ્યપ્રદેશ અને આસામમાં એક-એક શાળા એવી છે જેની માન્યતા સેન્ટ્રલ બોર્ડ ઓફ સેકન્ડરી એજ્યુકેશન દ્વારા રદ કરવામાં આવી છે.

આ શાળાઓની માન્યતા રદ કરવામાં આવી

• સિદ્ધાર્થ પબ્લિક સ્કૂલ, દિલ્હી-81
• મેરીગોલ્ડ પબ્લિક સ્કૂલ, દિલ્હી-39
• ભારત માતા સરસ્વતી બાલ મંદિર, દિલ્હી-40
• નેશનલ પબ્લિક સ્કૂલ, દિલ્હી-40
• ચાંદ રામ પબ્લિક સિનિયર સેકન્ડરી સ્કૂલ, દિલ્હી-39
• લોયલ પબ્લિક સ્કૂલ, બુલંદશહર, ઉત્તર પ્રદેશ
• ક્રેસન્ટ કોન્વેન્ટ સ્કૂલ, ગાઝીપુર, ઉત્તર પ્રદેશ
• ટ્રિનિટી વર્લ્ડ સ્કૂલ, ગૌતમ બુદ્ધ નગર, ઉત્તર પ્રદેશ
• પ્રિન્સ UCH માધ્યમિક શાળા, સીકર, રાજસ્થાન
• ગ્લોબલ ઈન્ડિયન ઈન્ટરનેશનલ સ્કૂલ, જોધપુર, રાજસ્થાન
• દ્રોણાચાર્ય પબ્લિક સ્કૂલ, રાયપુર, છત્તીસગઢ
• વાયકાન સ્કૂલ, વિધાનસભા માર્ગ, રાયપુર, છત્તીસગઢ
• રાહુલ ઇન્ટરનેશનલ સ્કૂલ, થાણે, મહારાષ્ટ્ર
• પાયોનિયર પબ્લિક સ્કૂલ, પુણે, મહારાષ્ટ્ર
• પીવીની પબ્લિક સ્કૂલ, મલપ્પુરમ, કેરળ
• મધર થેરેસા મેમોરિયલ સેન્ટ્રલ સ્કૂલ, તિરુવનંતપુરમ, કેરળ
• કરતાર પબ્લિક સ્કૂલ, કઠુઆ, જમ્મુ અને કાશ્મીર
• SAI RNS એકેડમી, દિસપુર, ગુવાહાટી, આસામ
• સરદાર પટેલ પબ્લિક સ્કૂલ, મિસરોડ હુઝુર, ભોપાલ, મધ્ય પ્રદેશ
• જ્ઞાન આઈન્સ્ટાઈન ઈન્ટરનેશનલ સ્કૂલ, દેહરાદૂન, ઉત્તરાખંડ

CBSEએ આ શાળાઓની માન્યતા ડાઉનગ્રેડ કરી

આ ત્રણ શાળાઓમાં શ્રી રામ એકેડમી, બારપેટા, આસામ છે. આ ઉપરાંત વિવેકાનંદ સ્કૂલ, નરેલા, દિલ્હી અને શ્રી દશમેશ સિનિયર સેકન્ડરી પબ્લિક સ્કૂલ, તલવંડી સાબો, જિલ્લા ભટિંડા, પંજાબની માન્યતા ડાઉનગ્રેડ કરવામાં આવી છે.