IIT Entrance Exam: UGC એ લીધું મોટું પગલું, હવે આઈઆઈટી-જેઈઈની પરીક્ષા 25 દેશોમાં યોજાશે

આ વખતે જે દેશોમાં પરીક્ષા યોજાશે તેમાં અમેરિકા, ઓસ્ટ્રેલિયા, દક્ષિણ આફ્રિકા, સિંગાપુર, ચીન, નેપાળ, ઈન્ડોનેશિયા, મલેશિયા, બેહરીન, કુવૈત, કતાર, સંયુક્ત અરબ અમીરાત સહિત અન્ય દેશો છે.

ફાઈલ તસવીર

UGC Programme: આ વખતે એન્જિનિયરિંગ સંસ્થામાં એડમિશન લેવા માટે યોજાનારી સંયુક્ત પ્રવેશ પરીક્ષા હવે વિશ્વ લેવલે યોજાવા જઈ રહી છે. કેન્દ્ર સરકારે અમેરિકા, વિયેટનામ સહિત 25 દેશોમાં આયોજિત કરવાની યોજના બનાવી છે. આ પહેલા ભારત સરકારના સહયોગતી આઈઆઈટી-જેઈઈ પરીક્ષા 12 દેશોમાં આયોજિત કરાઈ હતી. કુઆલાલંપુર અને લાગોસમાં આ પરીક્ષા ગત વર્ષે યોજાઈ હતી.

કયા દેશોમાં યોજાશે પરીક્ષા

આ વખતે  જે દેશોમાં પરીક્ષા યોજાશે તેમાં અમેરિકા, ઓસ્ટ્રેલિયા, દક્ષિણ આફ્રિકા, સિંગાપુર, ચીન, નેપાળ, ઈન્ડોનેશિયા, મલેશિયા, બેહરીન, કુવૈત, કતાર, સંયુક્ત અરબ અમીરાત સહિત અન્ય દેશો છે. જો સીટોની વાત કરવામાં આવે તો આશરે 3900 અંડર ગ્રેજ્યુએટ માટે સીટ ઉપલબ્ધ હશે. જ્યારે 1300 સીટ પોસ્ટ ગ્રેજ્યુએટ માટે એનઆઈર, ભારતીયો અને વિદેશી નાગરિકો માટે ઉપલ્બધ કરાવાશે. આ સીટો દેશની ટોપ એન્જિનિયરિંગ ઈન્સ્ટિટ્યૂટમાં રિઝર્વ રખાશે.

આઈઆઈટીમાં નહીં થાય લાગુ

વિદેશી સ્ટુડન્ટ નેશનલ ઈન્સ્ટિટ્યૂટ ઓફ ટેક્નોલોજી, નેશનલ ઈન્સ્ટિટ્યૂટ ઓફ ઈન્ફોર્મેશન ટેકનોલોજી, સ્કૂલ ઓફ પ્લાનિંગ એન્ડ આર્કિટેક્ટ તથા અન્ય સંસ્થામાં એડમિશન લઈ શકશે. જેમાં ટ્રિપલ આઈટી અને એનઆઈટી પણ સામેલ કરાયા છે. પરંતુ આઈઆઈટીમાં આ વ્યવસ્થા લાગુ નહીં થાય.

હાલ દેશની તમામ આઈઆઈટી સંસ્થાઓને આમાંથી બાકાત રાખવામાં આવી છે. જાણકારી મુજબ શિક્ષણ મંત્રાલય ભારતીય ઉચ્ચ શૈક્ષણિક સંસ્થાઓ સાથે મળીને સ્ટુડન્ટ્સને અલગ-અલગ વિષયો ઉપલબ્ધ કરાવી શકે તેવી આંતરરાષ્ટ્રીય યુનિવર્સિટીના સંપર્કમાં છે. તેની પહેલ કરતાં 63 દેશોમાં ભારતીય રાજદૂતોનો સંપર્ક કરવામાં આવ્યો છે.

આ પણ વાંચો.........