Andhra Pradesh Exit Poll 2024: આંધ્ર પ્રદેશમાં NDAનો ચાલ્યો જાદૂ, જાણો એબીપી સીવોટર સર્વેમાં કોને મળશે કેટલી સીટો?

Andhra Pradesh Exit Poll Result 2024: લોકસભા ચૂંટણીના એક્ઝિટ પોલના પરિણામો બહાર આવ્યા છે. ABP-CVoter એક્ઝિટ પોલમાં NDAને આંધ્રપ્રદેશમાં જોરદાર લીડ મળતી દેખાઈ રહી છે. જાણો કેવી રહેશે કોંગ્રેસ અને YSRની હાલત?

( Image Source : Social Media )

Andhra Pradesh Exit Poll Result 2024:  લોકસભા ચૂંટણીના તમામ તબક્કાઓ માટે મતદાન સમાપ્ત થતાંની સાથે જ, શનિવારે (1 જૂન) ના રોજ દેશની 543 બેઠકો માટેના એક્ઝિટ પોલ જાહેર કરવામાં આવ્યા હતા. એક્ઝિટ પોલમાં આંધ્રપ્રદેશની તમામ 25 સીટો પર અલગ-અલગ વલણો જાહેર થયા છે. આંધ્રપ્રદેશમાં વાયએસઆરસીપી, ટીડીપી-ઈન્ડિયા ગઠબંધન અને કોંગ્રેસ વચ્ચે નજીકની લડાઈ છે.

એક્ઝિટ પોલ અનુસાર NDAને અહીં મોટી લીડ મળતી દેખાઈ રહી છે

આંધ્ર પ્રદેશમાં લોકસભાની 25 બેઠકો છે. ABP-Cvoterના એક્ઝિટ પોલ અનુસાર NDAને અહીં મોટી લીડ મળતી દેખાઈ રહી છે. જ્યારે 'ઈન્ડિયા' ગઠબંધન શૂન્ય પર સંકોચાઈ રહ્યું હોય તેવું લાગે છે. એક્ઝિટ પોલમાં NDAને 21-25 સીટો મળતી જોવા મળી રહી છે. અન્યને શૂન્યથી ચાર બેઠકો મળવાની ધારણા છે. આ વખતે ભાજપ-ટીડીપી ગઠબંધન કરીને ચૂંટણી લડ્યા હતા.

આંધ્રપ્રદેશમાં કોને કેટલી સીટો મળી રહી છે?

રાજકીય પક્ષ	લોકસભા બેઠકો (25)
ભાજપ-ટીડીપી+	21-25
INDIA એલાયન્સ	0
અન્ય	0-4

2019 ના પરિણામો
આંધ્ર પ્રદેશમાં 2019ની લોકસભા ચૂંટણીના પરિણામોની વાત કરીએ તો YSRCPએ 25માંથી 22 બેઠકો જીતી હતી. આ સિવાય ટીડીપીને ત્રણ બેઠકો મળી હતી, જ્યારે કોંગ્રેસ અને ભાજપ અહીં ખાતું પણ ખોલી શક્યા નથી. YSRCPને 49.9 ટકા વોટ મળ્યા જ્યારે TDPને 40.2 ટકા વોટ મળ્યા.

2014 પરિણામો
આંધ્ર પ્રદેશમાં 2014ની લોકસભા ચૂંટણીમાં TDPને 15 બેઠકો મળી હતી. તેમને 40.8 ટકા વોટ મળ્યા હતા. આ સિવાય YSRCPએ 45.7 ટકા મતો સાથે આઠ બેઠકો જીતી હતી. ઉપરાંત, ભાજપને અહીં બે બેઠકો મળી હતી અને 7.2 ટકા વોટ શેર હતા.

આંધ્ર પ્રદેશમાં ક્યારે મતદાન થયું?
તમને જણાવી દઈએ કે આંધ્ર પ્રદેશની તમામ 25 લોકસભા સીટો માટે એક જ તબક્કામાં 13 મેના રોજ મતદાન થયું હતું. આંધ્રપ્રદેશમાં વાયએસ જગન મોહન રેડ્ડીની સરકાર છે. જો કે, 2024ની ચૂંટણીમાં જગન મોહન રેડ્ડીની પાર્ટીને ભાજપ-ટીડીપી ગઠબંધન અને કોંગ્રેસ દ્વારા પડકાર આપવામાં આવી રહ્યો છે. જો કે, એક્ઝિટ પોલ અનુસાર જગનમોહનનનો મોટો ઝટકો લાગી શકે છે.

(એબીપી સી વોટર એક્ઝિટ પોલ સર્વેનું સેમ્પલ સાઈઝ 4 લાખ 31 હજાર 182 છે અને આ સર્વે 4129 વિધાનસભા સીટો સહિત તમામ 543 લોકસભા સીટો પર કરવામાં આવ્યો હતો. એબીપી સી વોટર સર્વેનું રાજ્ય સ્તર પર  માર્જિન ઓફ એરર + અને -3 ટકા અને પ્રાદેશિક સ્તરે + અને -5 ટકા છે.)