Karnataka Election 2023: જાણો સાઉથ એક્ટર પ્રકાશ રાજે કર્ણાટકમાં કોને મત આપવાની કરી અપીલ

Karnataka Election 2023:   કર્ણાટક વિધાનસભા ચૂંટણી માટે બુધવારે એટલે કે 10મી મેના રોજ મતદાન ચાલી રહ્યું છે. આ દરમિયાન સામાન્ય લોકોથી લઈને અનેક ફિલ્મ સ્ટાર્સ મતદાન કરવા માટે મતદાન મથક પર પહોંચ્યા હતા.

( Image Source : Prakash Raj Instagram )

Karnataka Election 2023:   કર્ણાટક વિધાનસભા ચૂંટણી માટે બુધવારે એટલે કે 10મી મેના રોજ મતદાન ચાલી રહ્યું છે. આ દરમિયાન સામાન્ય લોકોથી લઈને અનેક ફિલ્મ સ્ટાર્સ મતદાન કરવા માટે મતદાન મથક પર પહોંચ્યા હતા. ફેમસ એક્ટર પ્રકાશ રાજે પણ મતદાન કર્યું અને આ સાથે તેમણે લોકોને વોટ કરવાની અપીલ કરી. પ્રકાશ રાજે કહ્યું કે આપણે સાંપ્રદાયિક રાજનીતિ વિરુદ્ધ મતદાન કરવું જોઈએ.

 

#WATCH | "We've to vote against communal politics. We need Karnataka to be beautiful," says Actor Prakash Raj after casting his vote for #KarnatakaAssemblyElection pic.twitter.com/bvVgTgeetP

— ANI (@ANI) May 10, 2023

સાંપ્રદાયિક રાજકારણ સામે મત આપો

ન્યૂઝ એજન્સી ANI સાથેની વાતચીતમાં પ્રકાશ રાજે કહ્યું, 'આપણે સાંપ્રદાયિક રાજનીતિ સામે વોટ આપવાનો છે. આ એક એવી જગ્યા છે જ્યાં તમને નિર્ણય લેવાનો અધિકાર છે. તમે જાણો છો કે ક્યારે, શું કરવું છે અને તમે શું સહન કર્યું? આપણે કર્ણાટકને સુંદર બનાવવાની જરૂર છે. સાંપ્રદાયિક શક્તિઓને ખતમ કરવા માટે સૌહાર્દ જાળવો અને મત આપો.

મેં ભ્રષ્ટ સરકાર વિરુદ્ધ મતદાન કર્યું

આ સિવાય પ્રકાશ રાજે કર્ણાટક વિધાનસભા ચૂંટણી માટે વોટિંગ કર્યા બાદ એક ટ્વિટ કર્યું છે. તેણે લખ્યું, 'ગુડ મોર્નિંગ કર્ણાટક. મેં સાંપ્રદાયિક રાજનીતિ સામે મત આપ્યો છે. 40 ટકા ભ્રષ્ટ સરકાર સામે. તમારી વિવેકબુદ્ધિથી મત આપો. સંયુક્ત કર્ણાટક માટે મત આપો.

 

Good morning Karnataka.. i have Voted against communal politics.. against 40% corrupt sarkar .. Do VOTE with your conscience.. do VOTE for inclusive Karnataka. #justasking #KarnatakaAssemblyElection2023 https://t.co/Vtxywpqpid

— Prakash Raj (@prakashraaj) May 10, 2023

'પોનીયિન સેલ્વન 2'માં પ્રકાશ રાજ જોવા મળ્યા

વર્ક ફ્રન્ટની વાત કરીએ તો, પ્રકાશ રાજે તાજેતરમાં રિલીઝ થયેલી ફિલ્મ પોનીયિન સેલ્વન 2 માં કામ કર્યું છે. આ ફિલ્મમાં તેણે ચિયાન વિક્રમ, ઐશ્વર્યા રાય બચ્ચન, ત્રિશા કૃષ્ણન અને અન્ય ઘણા સ્ટાર્સ સાથે કામ કર્યું છે. મણિરત્નમ દ્વારા નિર્દેશિત આ ફિલ્મ બોક્સ ઓફિસ પર ધૂમ મચાવી રહી છે. આ સિવાય, પ્રકાશ બોલિવૂડની ઘણી ફિલ્મોનો ભાગ રહી ચૂક્યા છે જેમાં 'એન્ટરટેનમેન્ટ', 'દબંગ 2', 'સિંઘમ' અને 'વોન્ટેડ' જેવી ફિલ્મોનો સમાવેશ થાય છે.