Hun To Bolish : હું તો બોલીશ : ભગવાનના દરબારમાં પણ VIPનો વહેમ?

રાજ્યમાં ફરી એકવાર VIP દર્શન મુદ્દે ચર્ચા ગરમાઈ છે. બેટ દ્વારકામાં ભગવાનના દર્શન કરાવવા દલાલ પૈસા લૂંટતા હોવાનો વીડિયો વાયરલ થયો છે. ભગવાનના VIP દર્શન કરાવવા માટે જુદા-જુદા ભાવ દલાલો લગાવે છે ત્યારે કેટલાક ભક્તો શાંતિથી દર્શન કરવા માટે આ દલાલોનું સંપર્ક પણ કરતા હોય છે. એજન્ટો શાંતિથી દર્શન કરવા માટે 200થી 2 હજાર રૂપિયા ઉઘરાવે છે. વાયરલ થયેલા વીડિયોમાં જોઈ શકાય છે કે, 6 વ્યકિતના 1200 રૂપિયા લઇ ભગવાનના દર્શન કરાવવાની વાત કરે છે...સાથે કહે છે કે, ''કંઈ ઓછું ન થાય કેમ કે, હું બંધાયેલો છું. 3 જણના હજાર રૂપિયા લઈશ તેમજ 6 જણ હશો તો 1200 રૂપિયા લઈશ. બીજા લોકો છે તેમને દર્શન કરી પંદર મિનિટમાં રિટર્ન આવું એટલે તમે કહેતા હોય તો તમને લઈ જઉં'...તેવું વીડિયોમાં એજન્ટ બોલતા હોય તેવું સંભળાય છે.