બે દિવસ પહેલા કોંગ્રેસમાં જોડાયેલ આ અભિનેત્રીને પાર્ટીએ મુંબઈ નોર્થથી આપી ટિકિટ

નવી દિલ્હીઃ બે દિવસ પહેલા કોંગ્રેસમાં જોડાયેલ બોલિવૂડ અભિનેત્રી ઉર્મિલા માતોંડકરને પાર્ટીએ મુંબઈ નોર્થથી ઉમેદવાર જાહેર કર્યા છે. 2014ની લોકસભા ચૂંટણીમાં મુંબઈ કોંગ્રેસના અધ્યક્ષ રહેલ સંજય નિરુપમે આ સીટ પર હારનો સામનો કરવો પડ્યો હતો. મુંબઈ નોર્થથી હાલમાં ભાજપના ગોપાલ શેટ્ટી સાંસદ છે અને ભાજપે આ વખતે પણ શેટ્ટીને જ ઉમેદવાર બનાવ્યા છે. આ સીટ પર બોલિવૂડ અભિનેતા ગોવિંદા એવર્ષ 2004માં પૂર્વ પેટ્રોલિયમ મંત્રી રામ નાઈકને હરાવ્યા હતા. નાઈકે હાલમાં ઉત્તર પ્રદેશના રાજ્યપાલ છે. મુંબઈની છ લોકસભા સીટો માટે ચોથા તબક્કામાં 29 એપ્રિલના રોજ મતદાન થશે, અને આ જ દિવસે રાજ્યની અન્ય 17 સીટ માટે મતદાન થશે.