Rahul Gandhi: રાહુલ ગાંધી બનશે લોકસભામાં વિપક્ષના નેતા? કોંગ્રેસ સાંસદે કરી માંગ
Opposition Leader: લોકસભા ચૂંટણીમાં ભાજપના નેતૃત્વ હેઠળના નેશનલ ડેમોક્રેટિક એલાયન્સને બહુમતી મળી છે
Opposition Leader: લોકસભા ચૂંટણીમાં ભાજપના નેતૃત્વ હેઠળના નેશનલ ડેમોક્રેટિક એલાયન્સ (NDA) ને બહુમતી મળી છે, પરંતુ વિપક્ષી ગઠબંધન 'ઇન્ડિયા' એ પણ શાનદાર પ્રદર્શન કર્યું છે. સ્પષ્ટ થઈ ગયું છે કે નરેન્દ્ર મોદી ત્રીજી વખત વડાપ્રધાન તરીકે શપથ લેશે. આવી સ્થિતિમાં હવે લોકસભામાં વિપક્ષના નેતા કોણ હશે તેની ચર્ચા ચાલી રહી છે. દરમિયાન સૂત્રોએ એબીપી ન્યૂઝને જણાવ્યું હતું કે કોંગ્રેસ નેતા રાહુલ ગાંધી લોકસભામાં વિપક્ષના નેતા (LOP) બની શકે છે.
I sought votes on the name of my leader, Rahul Gandhi.
— Manickam Tagore .B🇮🇳மாணிக்கம் தாகூர்.ப (@manickamtagore) June 6, 2024
I think he should be the Leader of Congress in the Lok Sabha.
I hope elected Congress MPs also think the same. Let’s see how the Congress Parliamentary Party decides.
We are a Democratic Party 🇮🇳#RahulGandhiVoiceOfIndia pic.twitter.com/pEsSoeDwB8
સૂત્રોએ જણાવ્યું હતું કે કોંગ્રેસમાં આંતરિક વિચાર કરવામાં આવી રહ્યો છે કે રાહુલ ગાંધી ગૃહમાં કોંગ્રેસની કમાન સંભાળે અને લોકસભામાં વિપક્ષના નેતા બને. કોંગ્રેસ સંસદીય દળની બેઠકમાં લોકસભામાં કોંગ્રેસના નેતાનો નિર્ણય ટૂંક સમયમાં લેવામાં આવનાર છે. દરમિયાન કોંગ્રેસના સાંસદ મણિકમ ટાગોરે પણ ખુલ્લેઆમ રાહુલ ગાંધીને વિપક્ષના નેતા (LOP) બનાવવાની માંગ કરી છે.
મણિકમ ટાગોરે શું કહ્યું?
મણિકમ ટાગોરે સોશિયલ મીડિયા પ્લેટફોર્મ X પર પોસ્ટ કરીને લખ્યું, “મેં મારા નેતા રાહુલ ગાંધીના નામ પર વોટ માંગ્યા છે. આવી સ્થિતિમાં હું માનું છું કે રાહુલ ગાંધી લોકસભામાં કોંગ્રેસના નેતા હોવા જોઈએ. હું આશા રાખું છું કે કોંગ્રેસના અન્ય સાંસદો પણ મારી જેમ વિચારશે. જોઈએ કોંગ્રેસ સંસદીય દળ શું નિર્ણય લે છે. અમે લોકતાંત્રિત પક્ષ છીએ.
લોકસભામાં વિપક્ષના નેતા બનવા માટે 10 ટકાથી વધુ બેઠકો હોવી જરૂરી છે. 2014માં કોંગ્રેસે 44 સીટો જીતી હતી અને 2019માં 52 સીટો જીતી હતી પરંતુ આ વખતે પાર્ટીને 99 સીટો મળી છે. આવી સ્થિતિમાં રાહુલ ગાંધીના વિપક્ષના નેતા બનવાની સૌથી વધુ સંભાવના છે.
રાહુલ ગાંધી વિપક્ષના નેતા કેમ બની શકે?
લોકસભા ચૂંટણીમાં વિપક્ષી ગઠબંધન 'ઇન્ડિયા'ના શાનદાર પ્રદર્શનમાં કોંગ્રેસના પૂર્વ અધ્યક્ષ રાહુલ ગાંધીએ મહત્વની ભૂમિકા ભજવી છે. મહાગઠબંધનમાં કોંગ્રેસે પણ સૌથી વધુ બેઠકો જીતી છે. તાજેતરમાં જ મહારાષ્ટ્રના પૂર્વ મુખ્યમંત્રી ઉદ્ધવ ઠાકરેની શિવસેનાના નેતા સંજય રાઉતે પણ કહ્યું હતું કે જો કેન્દ્રમાં ગઠબંધન 'ઇન્ડિયા' સરકાર રચાય છે અને રાહુલ ગાંધી પીએમ બનવા માંગે છે તો અમે તેનો વિરોધ નહીં કરીએ, પરંતુ હવે સ્પષ્ટ થઈ ગયું છે. એવું કહેવામાં આવી રહ્યું છે કે ભાજપની આગેવાની હેઠળ એનડીએ કેન્દ્રમાં સરકાર બનાવવા જઈ રહી છે.
કારણ કે ટીડીપી અને જેડીયુએ પોતાનું વલણ સ્પષ્ટ કર્યું છે કે તેઓ એનડીએમાં જ રહેશે. આવી સ્થિતિમાં, એ સ્પષ્ટ થઈ ગયું છે કે નરેન્દ્ર મોદી સતત ત્રીજી વખત વડા પ્રધાન તરીકે શપથ લઈ રહ્યા છે, તેથી હવે રાહુલ ગાંધી ગૃહમાં વિપક્ષના નેતા બનવાની સંભાવના વધારે છે.
ટ્રેન્ડિંગ સમાચાર
ટોપ સ્ટોરી
