Shefali Jariwala Death: શેફાલી જરીવાલાના નિધન બાદ તેમની અંતિમ પોસ્ટ થઇ વાયરલ, વાંચી ફેન્સ હચમચી ગયા

Shefali Jariwala Death: 'કાંટા લગા ગર્લ' શેફાલી જરીવાલાના અચાનક નિધનના સમાચાર સમગ્ર મનોરંજનની દુનિયા માટે આઘાતજનક છે. આ દરમિયાન શેફાલીની છેલ્લી પોસ્ટ સોશિયલ મીડિયા પર વાયરલ થઈ રહી છે.

શેફાલી જરીવાલાનું નિધન

Source : abp live

Shefali Jariwala Death: 'કાંટા લગા' ગર્લ તરીકે પ્રખ્યાત શેફાલી જરીવાલાએ માત્ર 42 વર્ષની ઉંમરે દુનિયાને અલવિદા કહી દીધું છે. શુક્રવારે તેમના અચાનક અવસાનના સમાચારથી ચાહકો ચોંકી ગયા હતા અને  આ હૃદયદ્રાવક સમાચાર પર વિશ્વાસ નથી કરી રહ્યાં. હોસ્પિટલમાં શેફાલીને મૃત જાહેર કરવામાં આવી હતી. ઘણા અહેવાલો અનુસાર, શુક્રવારે રાત્રે શેફાલીને તેના પતિ પરાગ ત્યાગી અને અન્ય ત્રણ લોકો મુંબઈની બેલેવ્યુ મલ્ટિસ્પેશિયાલિટી હોસ્પિટલમાં લઈ ગયા હતા. એવું કહેવામાં આવી રહ્યું છે કે તેમનું મૃત્યુ કાર્ડિયાક અરેસ્ટને કારણે થયું હતું પરંતુ તેમના મૃત્યુનું કારણ હજુ સુધી સત્તાવાર રીતે જાહેર કરવામાં આવ્યું નથી. આ બધા વચ્ચે, અભિનેત્રીની છેલ્લી ઇન્સ્ટાગ્રામ પોસ્ટ સોશિયલ મીડિયા પર વાયરલ થઈ રહી છે.

શેફાલીની છેલ્લી પોસ્ટ વાયરલ થઈ રહી છે

તેની છેલ્લી ઇન્સ્ટાગ્રામ પોસ્ટમાં, શેફાલી ઊંડા નેકલાઇન, ફુલ સ્લીવ્સ અને વર્ટિકલ શિમર ડિટેલ્સ સાથે ફ્લેર બોટમ્સ આઉટફિટમાં જોવા મળી રહી છે. સ્ટુડિયોની ચમકતી લાઇટ્સ હેઠળ આત્મવિશ્વાસથી પોઝ આપતી, શેફાલી ખૂબ જ સુંદર અને કોન્ફિડન્ટ દેખાઇ રહી  છે. તેણે પોસ્ટના કેપ્શનમાં લખ્યું છે, "બ્લિંગ ઇટ ઓન બેબી," આ શબ્દો હવે તેના ચાહકોને હચમચાવી રહ્યા છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Shefali Jariwala 🧿 (@shefalijariwala)

શેફાલી જરીવાલાના મૃત્યુ પર શોક વ્યક્ત કરી રહેલા ચાહકો

શેફાલીની છેલ્લી પોસ્ટ હવે વાયરલ થઈ ગઈ છે, ચાહકો હવે કોમેન્ટ બોક્સમાં અભિનેત્રીના મૃત્યુ પર શોક વ્યક્ત કરી રહ્યા છે. ઘણા લોકોએ લખ્યું, "શું કોઈને આનું કારણ ખબર છે? મને લાગે છે કે તે એક મજાક છે અને હું ઈચ્છું છું કે તે હોત! તે ખૂબ જ સારી હતી!" બીજાએ લખ્યું, "ઓ ભગવાન, વિશ્વાસ નથી થઈ રહ્યો, ભગવાન તેને ફરી  નીચે આવવા દો, અહીં જે થઈ રહ્યું છે તે યોગ્ય નથી." બીજાએ લખ્યું, "હું આ સમાચાર પચાવી શકતો નથી, હું તમને ખૂબ પ્રેમ કરું છું..." જ્યારે અન્ય લોકોએ ફક્ત કહ્યું, "માની નથી શકાતુ."

'કાંટા લગા' ફેમ શેફાલી વર્ષો પછી 'બિગ બોસ 13' સાથે ફરી  ચર્ચામાં આવી હતી. જ્યાં ચાહકોને તેનો વધુ અંગત પાસું જોવા મળ્યું હતું,. 2014 માં, શેફાલીએ અભિનેતા પરાગ ત્યાગી સાથે લગ્ન કર્યા. ત્યારથી, તે મોટાભાગે લાઈમલાઈટથી દૂર રહી છે, જોકે તે મનોરંજન જગતમાં ક્યારેક ક્યારેક દેખાતી રહે છે.