આ એક્ટરે કર્યું કન્ફર્મ, આ વર્ષે શરૂ થઈ જશે Munna Bhai 3નું શૂટિંગ

અરશદે મીડિયાને જણાવ્યું કે, મને ખબર છે કે ફિલ્મની સ્ક્રિપ્ટ તૈયાર છે. મને એ પણ ખબર છે કે રાજૂ (રાજકુમાર હિરાની) તેનું શૂટિંગ આ વર્ષે અથવા તો વર્ષની વચ્ચે કે વર્ષના અંત સુધીમાં શરૂ કરી દેશે. સ્ક્રિપ્ટ પર ફાઈનલ કામ ચાલી રહ્યું છે. અત્યાર સુધી તો એ જ કહી શકું કે ફિલ્મમાં હું અને સંજૂ છીએ. બસ મને આટલી જ વાત જણાવવામાં આવી છે. ત્યારે અરશદની ફિલ્મ ‘ફ્રોડ સૈંયા’ 18 જાન્યુઆરીના રોજ રિલીઝ થવા જઈ રહી છે.

વિતેલા વર્ષે ફિલ્મના ડાયરેક્ટર રાજકુમાર હિરાનીએ કન્ફર્મ કર્યું હતું કે, તે આ ફિલ્મની સ્ક્રીપ્ટ પર કામ કરી રહ્યા છે. પરંતુ તેમણે આ ફિલ્મ પર કામ કરવાની જગ્યાએ સંજય દત્તની બાયોપિક પર કામ કરવાનું શરૂ કરી દીધું. હવે આટલા વર્ષો બાદ ફાઈનલી અહેવાલ આવી રહ્યા છે કે મુન્નાભાઈ સીરીઝની ત્રીજી ફિલ્મનું શૂટિંગ ટૂંકમાં જ શરૂ થશે. આ વાતને ફિલ્મમાં સર્કિટની ભૂમિકા ભજવનાર અરશદ વારસીએ પણ કન્ફર્મ કરી છે. હાલમાં પોતાની આગામી ફિલ્મ ‘ફ્રોડ સૈંયા’ના પ્રમોશનમાં વ્યસ્ત અરશદે જણાવ્યું કે, મુન્નાભાઈ 3ની સ્ક્રિપ્ટ તૈયાર છે અને આ વર્ષે તેનું શૂટિંગ શરૂ થઈ જશે.