Justin Bieber ના ચાહકો માટે ખરાબ સમાચાર, આ કારણે દિલ્હીનો શો કેન્સલ થયો
જેમાં ચિલી, આર્જેન્ટિના, બ્રાઝિલ, દક્ષિણ આફ્રિકા, બહેરીન, યુએઈ અને ઈઝરાયેલના નામ સામેલ છે.
Justin Bieber World Tour India Show: વિશ્વના જાણીતા પોપ સિંગર જસ્ટિન બીબર છેલ્લા ઘણા દિવસોથી પોતાના સ્વાસ્થ્યના કારણોસર ચર્ચામાં છે. જો કે, હાલમાં જ એવા સમાચાર આવ્યા હતા કે તેમની તબિયતમાં સુધારો થઈ રહ્યો છે અને તેઓ ફરી એક વખત તેમના વિશ્વ પ્રવાસ પર કમબેક કરી રહ્યા છે. પરંતુ હવે જસ્ટિન બીબરના ફેન્સ માટે એક ખરાબ સમાચાર છે. વાસ્તવમાં, ભારતમાં જસ્ટિન બીબરનો શો રદ કરવામાં આવ્યો છે, જેનું કારણ તેની ખરાબ તબિયત જણાવવામાં આવી રહી છે.
વર્લ્ડ ટૂર દરમિયાન જસ્ટિન બીબર આવતા મહિને ઓક્ટોબરમાં ભારત આવવાનો હતો. એટલું જ નહીં, જસ્ટિન દિલ્હીના જવાહરલાલ નેહરુ સ્ટેડિયમમાં પોતાનું પરફોર્મન્સ આપવાનો હતો. તેમના કોન્સર્ટની તારીખ 18 ઓક્ટોબર રાખવામાં આવી હતી. પરંતુ હવે 'જસ્ટિન બીબર જસ્ટિસ વર્લ્ડ ટૂર - ઈન્ડિયા' નામનો આ શો રદ કરવામાં આવ્યો છે. શો કેન્સલ કરવા પાછળનું કારણ તેમની બગડતી તબિયત જણાવવામાં આવી રહ્યું છે.
આ શો 18 ઓક્ટોબરે યોજાવાનો હતો
જસ્ટિન બીબરના શો 'બુક માય શો'ના પ્રમોટરે આ માહિતી આપી છે. તેણે જણાવ્યું કે ગ્રેમી એવોર્ડ વિનર બીબર 18 ઓક્ટોબરે દિલ્હીમાં શો કરવા જઈ રહ્યો હતો. જે રદ કરવામાં આવ્યો છે, જેથી તેઓ ખૂબ જ નિરાશ થયા છે. તે જ સમયે, જસ્ટિનનો ઇન્ડિયા શો રદ થવાના સમાચારે તેના ભારતીય ચાહકોને ખૂબ જ દુઃખી કરી દીધા છે. કારણ કે ચાહકો તેના આગામી મહિનાના શોની આતુરતાથી રાહ જોઈ રહ્યા હતા.
કંપનીએ કહ્યું કે ટિકિટ ખરીદનારા તમામ લોકોને ટિકિટના પૈસા પરત કરવામાં આવશે. થોડા મહિનાઓ પહેલા, આ શોની ટિકિટો ટિકિટ વિન્ડો ખોલ્યાની મિનિટોમાં વેચાઈ ગઈ હતી. નિવેદન અનુસાર, BookMyShow એ તમામ ગ્રાહકો માટે ટિકિટની કિંમતનું સંપૂર્ણ રિફંડ શરૂ કરી દીધું છે જેમણે શો માટે ટિકિટ ખરીદી હતી. સંપૂર્ણ રિફંડ 10 કાર્યકારી દિવસોમાં ગ્રાહકના ખાતામાં પ્રતિબિંબિત થશે.
રિપોર્ટ્સ અનુસાર, માત્ર જસ્ટિનનો ભારત પ્રવાસ જ નહીં પરંતુ ઘણા દેશોની ટૂર પણ રદ્દ કરવામાં આવી છે. જેમાં ચિલી, આર્જેન્ટિના, બ્રાઝિલ, દક્ષિણ આફ્રિકા, બહેરીન, યુએઈ અને ઈઝરાયેલના નામ સામેલ છે. બીબરે લગભગ ત્રણ મહિના પહેલા કહ્યું હતું કે તે 'રામસે હંટ સિન્ડ્રોમ' નામની બીમારીથી લડી રહ્યો છે, જેના કારણે તેના ચહેરા પર આંશિક રીતે લકવો થઈ ગયો છે.
ટોપ સ્ટોરી
ટ્રેન્ડિંગ સમાચાર
