Mehsana: રાજ્યમાં વધુ એક BLOનું મોત, મહેસાણામાં SIRની કામગીરી દરમિયાન આવ્યો હાર્ટ એટેક
Mehsana SIR: હાલમાં ગુજરતામાં SIRની કામગીરી ચાલી રહી છે અને વધુ એક બીએલઓના મોતના સમાચાર સામે આવ્યા છે
Mehsana SIR: સમગ્ર ગુજરાતમાં અત્યારે SIRની કામગીરી ચાલી રહી છે, આ દરમિયાન હવે વધુ એક બીએલઓના મોતના સમાચાર સામે આવ્યા છે. SIRની કામગીરી દરમિયાન આજે મહેસાણામાંથી એક બીએલઓનું મોત થતા હડકંપ મચી ગયો છે. મહેસાણાના સુદાસણ ગામમાં એક બીએલઓ SIRની કામગીરી કરી રહ્યાં હતા તે દરમિયાન અચાનક હાર્ટ એટેક આતવા મોત નીપજ્યુ હતુ. શિક્ષકના મોત બાદ પરિવારમાં શોકનો માહોલ છવાયો છે, તો વળી બીજી બાજુ કોંગ્રેસે સરકાર પર પ્રહારો કર્યા છે.
હાલમાં ગુજરતામાં SIRની કામગીરી ચાલી રહી છે અને વધુ એક બીએલઓના મોતના સમાચાર સામે આવ્યા છે. સામે આવેલી માહિતી પ્રમાણે, મહેસાણા જિલ્લામાં સતલાસણા તાલુકાના સુદાસણ ગામે મોતની આ કરુણ ઘટના ઘટી છે. અહીં ગામમાં રહેતા અને બીએલઓ તરીકે ફરજ બજાવતા શિક્ષક દિનેશભાઈ રાવળનું હૃદયરોગના હુમલાથી મોત થયું હોવાનું માહિતી મળી છે. દિનેશભાઈ રાવળ ઘરેથી SIRનું કામ કરી રહ્યાં હતા ત્યારે અચાનક તેમને ગંભીર રીતે હૃદયરોગનો હુમલો આવ્યો હતો. તેમને તાત્કાલિક સારવાર માટે લઈ જવામાં આવ્યા હતા, પરંતુ સારવાર પહેલાં જ તેમનું દુર્ભાગ્યવશ અવસાન થયું હતું. દિનેશભાઈ રાવળ શિક્ષક તરીકે સેવા આપતા હતા અને ચૂંટણીની ફરજ તરીકે બીએલઓનું કાર્ય સંભાળી રહ્યા હતા. ફરજ દરમિયાન થયેલા આ અચાનક મોતથી ગામમાં તેમજ શિક્ષકવર્ગમાં શોકની લાગણી વ્યાપી ગઈ છે. સ્થાનિક લોકોએ તેમના અચાનક અવસાન પર શોક વ્યક્ત કર્યો છે અને પરિવારને સંવેદના પાઠવી છે. રાજ્યમાં વધુ એક બીએલઓના મોત બાદ કોંગ્રેસ અને શિક્ષક સંઘે સરકાર પર પ્રહારો કર્યા છે.
SIR શા માટે મહત્વનું છે?
ચૂંટણી પંચનો મુખ્ય ઉદ્દેશ્ય મતદાર યાદીને સંપૂર્ણપણે ક્ષતિરહિત બનાવવાનો છે. SIR ઝુંબેશ દરમિયાન, BLO ઘરે-ઘરે જઈને મતદારોની ખરાઈ કરે છે, નકલી કે ડમી મતદારોને દૂર કરે છે અને વિગતોમાં જરૂરી સુધારા કરે છે. જો તમે BLO ને ફોર્મ ભરીને આપી દીધું હોય, તો પણ એક જાગૃત નાગરિક તરીકે તે ઓનલાઇન અપડેટ થયું છે કે નહીં તે ચકાસવું તમારી જવાબદારી છે.
BLO એ ફોર્મ ભર્યું છે કે નહીં? આ રીતે કરો ચેક
તમારું ફોર્મ ઓનલાઇન સબમિટ થયું છે કે કેમ તે જાણવા માટે નીચે મુજબના સરળ સ્ટેપ્સ ફોલો કરો:
વેબસાઇટની મુલાકાત: સૌથી પહેલા તમારા મોબાઈલ અથવા કોમ્પ્યુટરમાં ચૂંટણી પંચનું સત્તાવાર પોર્ટલ voters.eci.gov.in ઓપન કરો.
SIR સેક્શન: હોમપેજ પર તમને 'Special Intensive Revision (SIR) – 2026' નો વિભાગ દેખાશે. ત્યાં 'Fill Enumeration Form' વિકલ્પ પર ક્લિક કરો.
લોગઈન કરો: અહીં તમારે તમારો રજિસ્ટર્ડ મોબાઇલ નંબર, ઈમેલ આઈડી અથવા EPIC (ચૂંટણી કાર્ડ) નંબર નાખવાનો રહેશે. કેપ્ચા કોડ ભરીને 'Request OTP' પર ક્લિક કરો. આવેલો OTP નાખીને 'Verify & Login' કરો.
વિગતો શોધો: લોગઈન થયા બાદ ફરીથી 'Fill Enumeration Form' પર ક્લિક કરો, તમારું રાજ્ય પસંદ કરો અને તમારો મતદાર ઓળખ કાર્ડ નંબર (EPIC No) દાખલ કરીને 'Search' બટન દબાવો.
કેવો મેસેજ આવશે?
જો ફોર્મ ભરાઈ ગયું હોય: જો BLO દ્વારા તમારું કામ પૂર્ણ કરી દેવામાં આવ્યું હશે, તો સ્ક્રીન પર એક મેસેજ ફ્લેશ થશે: "Your form has already been submitted with mobile number XXXXXXXXX. Contact your BLO for more information." (તમારું ફોર્મ મોબાઈલ નંબર... સાથે પહેલાથી જ સબમિટ થઈ ગયું છે).
જો મેસેજ ન આવે: જો તમને આવો કોઈ મેસેજ દેખાતો નથી, તો તેનો અર્થ એ છે કે તમારી પ્રક્રિયા બાકી છે. આવા સંજોગોમાં તાત્કાલિક તમારા વિસ્તારના BLO નો સંપર્ક કરો.
જાતે ઓનલાઇન ફોર્મ કેવી રીતે ભરવું?
જો કોઈ કારણસર BLO તમારા સુધી પહોંચી શક્યા નથી અથવા તમે ઓફલાઇન ફોર્મ નથી ભર્યું, તો તમે જાતે પણ ઓનલાઇન અરજી કરી શકો છો.
શરત: આ માટે તમારો મોબાઈલ નંબર તમારા ચૂંટણી કાર્ડ (Voter ID) સાથે લિંક હોવો જરૂરી છે.
પ્રક્રિયા: પોર્ટલ પર 'Fill Enumeration Form' માં જઈ, રાજ્ય પસંદ કરો અને EPIC નંબર નાખો. તમારી અંગત વિગતો (જેમ કે નામ, સરનામું) ચકાસો.
દસ્તાવેજ: ઓનલાઇન વેરિફિકેશન માટે આધાર કાર્ડ જરૂરી છે. ખાસ ધ્યાન રાખો કે આધાર કાર્ડ અને ચૂંટણી કાર્ડમાં તમારું નામ એકસમાન હોવું જોઈએ. બધી વિગતો ભરીને તમે ફોર્મ સબમિટ કરી શકો છો.
ટોપ સ્ટોરી
ટ્રેન્ડિંગ સમાચાર
