![ABP Premium](https://cdn.abplive.com/imagebank/Premium-ad-Icon.png)
Bigg Boss 16: શું સાજિદ ખાન 'બિગ બોસ' છોડશે? વિવાદો વચ્ચે સલમાન ખાને લીધો મોટો નિર્ણય
કહેવાય છે કે સલમાન ખાને ફરાહ ખાનના કહેવા પર સાજિદને બિગ બોસમાં આવવાની તક આપી હતી, જેથી કરીને તે પોતાની કારકિર્દી ફરી શરૂ કરી શકે, પરંતુ તેના કારણે તેને મુશ્કેલીઓનો સામનો કરવો પડી રહ્યો છે.
![Bigg Boss 16: શું સાજિદ ખાન 'બિગ બોસ' છોડશે? વિવાદો વચ્ચે સલમાન ખાને લીધો મોટો નિર્ણય Bigg Boss 16: Is Sajid Khan going to leave from 'Bigg Boss'? Amidst controversies, Salman Khan had to take a tough decision Bigg Boss 16: શું સાજિદ ખાન 'બિગ બોસ' છોડશે? વિવાદો વચ્ચે સલમાન ખાને લીધો મોટો નિર્ણય](https://static.abplive.com/wp-content/uploads/sites/7/2018/06/05193250/690023-258689-sajidkhan.jpg?impolicy=abp_cdn&imwidth=1200&height=675)
Sajid Khan Bigg Boss 16: લોકપ્રિય રિયાલિટી 'બિગ બોસ'ની 16મી સીઝન આ દિવસોમાં ઘણી ચર્ચામાં છે. જ્યાં એક તરફ ઘરમાં તમામ સ્પર્ધકો વચ્ચે યુદ્ધ ચાલી રહ્યું છે, તો બીજી તરફ સાજિદ ખાનને બિગ બોસમાં કાસ્ટ કરવાને લઈને મેકર્સ અને સલમાન ખાન મુશ્કેલીમાં ફસાઈ ગયા છે. બિગ બોસના મેકર્સ અને સલમાન ખાનને લોકો સંભળાવી રહ્યા છે. સાજિદ ખાન પર ઘણી અભિનેત્રીઓએ જાતીય સતામણીનો આરોપ લગાવ્યો છે. આવી સ્થિતિમાં દરેકને ગુસ્સો છે કે બિગ બોસમાં આવા વ્યક્તિને કેમ લેવામાં આવ્યો, જેણે ઘણી અભિનેત્રીઓ સાથે ખોટું કર્યું છે.
જો કે, સાજિદ ખાન સાથે જોડાયેલા વિવાદો વચ્ચે હવે એવા અહેવાલો આવી રહ્યા છે કે તે ટૂંક સમયમાં જ બિગ બોસના ઘરમાંથી બહાર થવાનો છે. એવું કહેવામાં આવી રહ્યું છે કે સલમાન ખાને ફરાહ ખાનના કહેવા પર સાજિદને બિગ બોસમાં આવવાની તક આપી હતી, જેથી કરીને તે પોતાની કારકિર્દી ફરી શરૂ કરી શકે, પરંતુ તેના કારણે તેને મુશ્કેલીઓનો સામનો કરવો પડી રહ્યો છે.
શું સાજિદ ખાન બિગ બોસમાંથી બહાર થશે?
'ETimes'ના અહેવાલ મુજબ, સલમાન ખાને સાજિદ ખાનની શોમાંથી બહાર કરવાની માંગણી સ્વીકારી લીધી છે. સૂત્રને ટાંકીને પોર્ટલે જણાવ્યું છે કે, છેલ્લા કેટલાક દિવસોથી સલમાન ખાન માટે સ્થિતિ મુશ્કેલ બની ગઈ છે. તેણે ફરાહ ખાનના કહેવા પર સાજિદને બિગ બોસમાં લીધો હતો, કારણ કે તે કોરિયોગ્રાફર સાથે સારો સંબંધ ધરાવે છે. જો કે, તેને ખબર ન હતી કે, આ મામલે આટલો વધો વિવાદ ઉભો થશે. આવી સ્થિતિમાં સલમાન ખાને મજબૂરીમાં આ નિર્ણય લેવો પડ્યો છે.
સાજિદ પર આ આરોપો છે
વર્ષ 2018 માં, MeToo ચળવળ દ્વારા ઘણા નિર્દેશક-નિર્માતાઓ સામે આવ્યા હતા, જેમાંથી એક સાજિદ ખાન હતો. સાજિદ ખાન પર ઘણી અભિનેત્રીઓએ 'અયોગ્ય રીતે સ્પર્શ' કરવાનો અને પ્રાઈવેટ પાર્ટ બતાવવાનો આરોપ લગાવ્યો હતો. તાજેતરમાં જ એક ટીવી એક્ટ્રેસે પણ સાજિદ ખાન પર જાતીય સતામણીનો આરોપ લગાવ્યો હતો. આ તમામ આરોપો વચ્ચે તેને એક વર્ષ સુધી ફિલ્મ ઈન્ડસ્ટ્રીમાં કામ ન કરવા બદલ સજા થઈ હતી, જે 2019માં પૂરી થઈ ગઈ હતી. જોકે ત્યારથી તે ફિલ્મી દુનિયાથી દૂર છે. હવે જ્યારે તેણે બિગ બોસ સાથે ફરી શરૂઆત કરવાનો પ્રયાસ કર્યો તો તે ખરાબ રીતે ફસાઈ ગયો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)