હાર્દિક પંડ્યાને લઈને બોલિવૂડની કઈ અભિનેત્રીએ આપ્યું ચોંકાવનારું નિવેદન, જાણો વિગત

ઉલ્લેખનીય છે કે કોફી વિથ કરણના એપિસોડમાં હાર્દિક પંડ્યાએ મહિલાઓ સાથેના શારીરિક સંબંધો અને મહિલાઓને જોવાના તેમના નજરીયા વિશે કેટલીક અણછાજતી વાતો કરી હતી. આ ટિપ્પણીઓના પગલે સમગ્ર દેશમાં સોશિયલ મીડિયા પર તેમનો વિરોધ થવા લાગ્યો હતો.

હાર્દિક પંડ્યા વિશે સ્વરા ભાસ્કરે વધુમાં જણાવ્યું હતું કે, હાર્દિક પંડ્યાની વાતો મહિલા વિરોધી છે અને તેમની માનસિકતા છીછરી છે. મહિલા વિરોધી વાતો કરવી એ ગુનો નથી પરંતુ ઘણાં મુદ્દા એવા છે જેમાં ભારતીયોની માનસિકતા મહિલા વિરોધી છે. સેલિબ્રિટી કંઈ પણ કહે તે ચર્ચાનો વિષય બની જતો હોય છે જે અંગે સ્વરાએ જણાવ્યું હતું કે, આપણે સેલિબ્રિટીની વાતો પર ઓવર રિએક્ટ કરીએ છીએ.