Pushpa 2 ના સેટ પરથી સામે આવ્યો Allu Arjunનો દમદાર ફર્સ્ટ લૂક, જુઓ ફોટો
અલ્લુ અર્જુન અને રશ્મિકા મંદાનાની ફિલ્મ 'પુષ્પા'એ બોક્સ ઓફિસ પર ધૂમ મચાવી હતી.
Allu Arjun First Look From Pushpa 2: અલ્લુ અર્જુન અને રશ્મિકા મંદાનાની ફિલ્મ 'પુષ્પા'એ બોક્સ ઓફિસ પર ધૂમ મચાવી હતી. હવે ચાહકો આ ફિલ્મના બીજા ભાગની આતુરતાથી રાહ જોઈ રહ્યા છે. 'પુષ્પા 2'નું શૂટિંગ આ રવિવારથી શરૂ થઈ ગયું છે. ફિલ્મના શૂટિંગ દરમિયાન, સેટ પરથી એક ફોટો સામે આવ્યો છે જેમાં અલ્લુ અર્જુનનો દમદાર પુષ્પા અવતાર જોવા મળી રહ્યો છે. ફિલ્મના સિનેમેટોગ્રાફર મિરોસ્લા કુબા બ્રોજેકે સોશિયલ મીડિયા એકાઉન્ટ પરથી અલ્લુ અર્જુન સાથેનો એક ફોટો શેર કર્યો છે, જેમાં અભિનેતાનો લુક જોઈને ફેન્સ ખૂબ જ ઉત્સાહિત થઈ રહ્યા છે.
પુષ્પા 2માંથી અલ્લુ અર્જુનનો ફર્સ્ટ લુક
મિરોસ્લા કુબા બ્રોજેકે આ ફોટો ઈન્સ્ટાગ્રામ એકાઉન્ટ પરથી શેર કર્યો છે જેમાં તે અલ્લુ અર્જુન સાથે જોવા મળી રહ્યો છે. ફોટો જોઈને લાગે છે કે મિરોસ્લા અને અલ્લુ અર્જુન ફિલ્મ 'પુષ્પાઃ ધ રૂલ'માં એક સાથે એક સીન પર ચર્ચા કરી રહ્યા છે. તમને જણાવી દઈએ કે ફિલ્મનું શૂટિંગમાં ઘણા કારણોસર વિલંબ થઈ રહ્યો હતો. આખરે આ ફિલ્મનું શૂટિંગ શરૂ થઈ ગયું છે. આ ફિલ્મમાં અલ્લુ અર્જુનની સાથે રશ્મિકા મંદાના અને ફહાદ ફાસિલ પણ જોવા મળશે.
પુષ્પા 2 મોટા બજેટમાં તૈયાર થશે
તમને જણાવી દઈએ કે, 'પુષ્પાઃ ધ રાઈઝ' અલ્લુ અર્જુન અને રશ્મિકાના કરિયરની સૌથી સફળ ફિલ્મ હતી. આ ફિલ્મે આ સ્ટાર્સને સમગ્ર ભારતમાં સ્ટાર બનાવ્યા છે. ડિસેમ્બર 2021માં રિલીઝ થયેલી આ ફિલ્મે 300 કરોડથી વધુનો બિઝનેસ કર્યો હતો. મેકર્સે અલ્લુ અર્જુનની ફિલ્મ 'પુષ્પાઃ ધ રૂલ' માટે પણ વ્યાપક તૈયારીઓ કરી લીધી છે.
તમને જણાવી દઈએ કે, ફિલ્મ 'પુષ્પાઃ ધ રૂલ'નું બજેટ 500 કરોડની નજીક જઈ રહ્યું છે. પુષ્પા 2 ફિલ્મના પ્રમોશન માટે જ મેકર્સ 50 કરોડ રૂપિયા ખર્ચ કરવાના છે. આ ફિલ્મ કુલ 10 ભાષાઓમાં રિલીઝ થવા જઈ રહી છે. ફિલ્મમાં અલ્લુ અર્જુન, રશ્મિકા સિવાય સાઉથની ફિલ્મોથી લઈને બોલિવૂડ ફિલ્મ ઈન્ડસ્ટ્રીના કેટલાક મોટા ચહેરાઓ પણ જોવા મળશે તેવી ચર્ચા છે. હવે જોવાનું એ રહેશે કે 'પુષ્પા'ની જેમ 'પુષ્પાઃ ધ રૂલ' પણ પોતાનો જાદુ ચલાવવામાં સફળ થાય છે કે નહીં.
View this post on Instagram
ટોપ સ્ટોરી
ટ્રેન્ડિંગ સમાચાર
