Jackie Shroff First Look: જેકી શ્રોફ રજનીકાંતની 'જેલર'માં જોવા મળશે, અભિનેતાનો દમદાર ફર્સ્ટ લુક આવ્યો સામે

Jackie Shroff First Look: સુપરસ્ટાર રજનીકાંત ટૂંક સમયમાં તેમની નવી ફિલ્મ જેલરમાં જોવા મળશે. તેને વર્ષ 2023ની સૌથી મોટી ફિલ્મ કહેવામાં આવી રહી છે. હવે ફિલ્મ જેલર સાથે જોડાયેલા એક મોટા સમાચાર સામે આવી રહ્યા છે.

જેકી શ્રોફ

Jackie Shroff First Look: સુપરસ્ટાર રજનીકાંત ટૂંક સમયમાં તેમની નવી ફિલ્મ જેલરમાં જોવા મળશે. તેને વર્ષ 2023ની સૌથી મોટી ફિલ્મ કહેવામાં આવી રહી છે. હવે ફિલ્મ જેલર સાથે જોડાયેલા એક મોટા સમાચાર સામે આવી રહ્યા છે. બોલિવૂડ એક્ટર જેકી શ્રોફ પણ તેની સ્ટારકાસ્ટમાં સામેલ થઈ ગયા છે અને તેનો ફર્સ્ટ લુક પણ સામે આવ્યો છે, જેમાં તે ખતરનાક અંદાજમાં જોવા મળી રહ્યા છે.

 

Jackie Shroff from the sets of #Jailer 🔥

@rajinikanth @bindasbhidu @Nelsondilpkumar @anirudhofficial pic.twitter.com/O9ees6RuJt

— Sun Pictures (@sunpictures) February 5, 2023

જેકી શ્રોફનો ફિલ્મ 'જેલર'નો ફર્સ્ટ લૂક સામે આવ્યો 

જેકી શ્રોફનો ફર્સ્ટ લુક સન પિક્ચર્સના ઓફિશિયલ ટ્વિટર હેન્ડલ પરથી શેર કરવામાં આવ્યો છે, જેમાં તે ખૂબ જ ઈંટેસ અંદાજમાં જોવા મળી રહ્યો છે. તેનો આ લુક ઘણો પસંદ કરવામાં આવી રહ્યો છે. આ અગાઉ જેકી શ્રોફ અને રજનીકાંત Kochadaiiyaan (2014) અને ઉત્તર દક્ષિણ (1987) જેવી ફિલ્મોમાં સાથે કામ કરી ચૂક્યા છે.

રજનીકાંતની જેલર એક એક્શન ફિલ્મ છે

રજનીકાંતની 'જેલર' એક એક્શન ફિલ્મ છે, જેમાંથી તેનો લુક થોડા સમય પહેલા શેર કરવામાં આવ્યો હતો. આ ફિલ્મના દિગ્દર્શક નેલ્સન દિલીપ કુમાર છે. ફિલ્મમાં રજનીકાંત અને જેકી શ્રોફ ઉપરાંત રામ્યા કૃષ્ણન, તમન્ના ભાટિયા, યોગી બાબુ અને મલયાલમ અભિનેતા વિનાયકન જોવા મળશે. કહેવામાં આવી રહ્યું છે કે ફિલ્મ જેલરમાં મોહનલાલ અને શિવ રાજકુમાર સાથે જોવા મળશે.

રજનીકાંત 2 વર્ષ પછી સિલ્વર સ્ક્રીન વાપસી કરી રહ્યા છે

તમને જણાવી દઈએ કે, રજનીકાંત ફિલ્મ જેલરથી 2 વર્ષ પછી સિલ્વર સ્ક્રીન પર વાપસી કરી રહ્યા છે. તે છેલ્લે વર્ષ 2021માં આવેલી ફિલ્મ અન્નત્તેમાં જોવા મળ્યા હતા, જેમાં તેણે નયનતારા, કીર્તિ સુરેશ, પ્રકાશ રાજ જગપતિ બાબુ અને અન્ય ઘણા સ્ટાર્સ સાથે સ્ક્રીન શેર કરી હતી. આ ફિલ્મને વિવેચકો તરફથી ખૂબ જ નકારાત્મક પ્રતિભાવો મળ્યા હતા. આમ છતાં ફિલ્મે બોક્સ ઓફિસ પર 250 કરોડ રૂપિયાથી વધુની કમાણી કરી હતી. તે જ સમયે, જેકી શ્રોફ 'ફોન ભૂત'માં જોવા મળ્યા હતા, જેમાં તેણે કેટરિના કૈફ, ઈશાન ખટ્ટર અને સિદ્ધાંત ચતુર્વેદી જેવા સ્ટાર્સ સાથે કામ કર્યું હતું.