Shah Rukh Khan : શાહરૂખે તેની મહિનાની કમાણીનો આંકડો કર્યો જાહેર, ચાહકો મોં માં આંગળા નાખી ગયા
આસ્ક મી એનિથિંગ સેશન દરમિયાન એક યુઝરે શાહરૂખને પૂછ્યું હતું - તમે મહિનામાં કેટલી કમાણી કરો છો?
Shah Rukh Khan Ask Me Anything On Twitter: સુપરસ્ટાર શાહરૂખ ખાનની ફિલ્મ પઠાણને વિવાદ પણ સર્જાયો છે અને ફિલ્મને લઈને ચારેકોર જબરદસ્ત ચર્ચા પણ છે. આ ફિલ્મ ટૂંક સમયમાં જ સિનેમાઘરોમાં રિલીઝ થવા જઈ રહી છે. ફિલ્મના પ્રમોશનના ભાગરૂપે છેલ્લા કેટલાક દિવસોથી શાહરૂખ ખાને ટ્વિટર પર આસ્ક મી એનિથિંગ સેશન કર્યું. આજે બુધવારે તેને ત્રીજી વખત આ સેશન હાથ ધર્યું હતું. આ દરમિયાન ચાહકોએ શાહરૂખને તેની માસિક આવકથી લઈને તમામ પ્રકારના પ્રશ્નો પૂછ્યા, જેના જવાબ તેણે હલવા અંદાજમાં આપ્યા હતાં.
શાહરૂખ ખાને તેની સાચી કમાણીને લઈ કર્યો ખુલાસો
આસ્ક મી એનિથિંગ સેશન દરમિયાન એક યુઝરે શાહરૂખને પૂછ્યું હતું - તમે મહિનામાં કેટલી કમાણી કરો છો?' તેના જવાબમાં શાહરૂખ ખાને કહ્યું, 'હું દરરોજ અગણિતપણે પ્રેમ કમાઉ છું.' અભિનેતાના આ જવાબથી ચાહકો ચોંકી ગયા છે. ટ્વિટર પર ચાહકો અભિનેતાના વખાણ કરતાં થાકતા નથી.
Pyaar Beshumaar kamata hoon….har din https://t.co/pdsbvG8GAU
— Shah Rukh Khan (@iamsrk) January 4, 2023
શાહરૂખ પોતાના નામમાં 'ખાન' કેમ લગાવે છે?
અન્ય એક યુઝરે શાહરૂખ ખાનને તેના નામની પાછળ ખાન લગાવવાનું કારણ પૂછ્યું હતું. અભિનેતાએ આ સવાલનો જવાબ આપીને ચાહકોનું દિલ જીતી લીધું હતું. યુઝરે પૂછ્યું, ખાન સાબ, તમારૂ ફેમિલી બેકગ્રાઉન્ડ કાશ્મીરી છે, તો તમે તમારા નામ સાથે ખાન કેમ લગાવો છો? જવાબમાં શાહરૂખે લખ્યું, 'આખી દુનિયા મારો પરિવાર છે. કુટુંબના નામ થી નામ નથી હોતું, કામથી જ નામ બને છે. તેથી મહેરબાની કરીને નાની નાની બાબતોમાં પડશો નહીં.
The whole world is my family….family ke naam se naam nahi hota….kaam se naam hota hai. Choti baaton mein mat padho please. https://t.co/ctWPiUeUyO
— Shah Rukh Khan (@iamsrk) January 4, 2023
'પઠાણ'ની રિલીઝને હવે ગણતરીના દિવસો બાકી
જોહ્ન અબ્રાહમ અને દીપિકા પાદુકોણ પણ જોવા મળશે. આ ફિલ્મ 25 જાન્યુઆરી, 2023ના રોજ સિનેમાઘરોમાં આવશે. હાલમાં જ ફિલ્મનું ગીત 'ઝૂમ જો પઠાણ' રિલીઝ થયું હતું, જેમાં શાહરૂખ સાથે દીપિકાની કેમેસ્ટ્રી જોવા મળી હતી. ફિલ્મમાં શાહરૂખ ખાન RAW એજન્ટના રોલમાં જોવા મળશે.
શાહરૂખની આ ફિલ્મો થશે રિલીઝ
શાહરૂખ ખાનની ફિલ્મોની યાદીમાં 'જવાન'નો પણ સમાવેશ થાય છે, જેને સાઉથના પ્રખ્યાત નિર્દેશક એટલી બનાવી રહ્યા છે. આ ફિલ્મમાંથી શાહરૂખનો ફર્સ્ટ લૂક પણ રિલીઝ કરવામાં આવ્યો છે, જેમાં ચાહકોને તેની સ્ટાઈલ ખૂબ જ પસંદ આવી છે. આ ઉપરાંત શાહરૂખ ખાન રાજકુમાર હિરાનીની ફિલ્મ 'ડંકી'માં પણ જોવા મળશે.
ટ્રેન્ડિંગ સમાચાર
ટોપ સ્ટોરી
