Ideas Of India Summit 2025: બોલીવૂડમાં મહિલાઓની સ્થિતિ પર ભૂમિ પેડનેકરે શું કરી મોટી વાત, જાણો  

એબીપી ન્યૂઝની આઈડિયાઝ ઓફ ઈન્ડિયા સમિટની ચોથી આવૃત્તિ શરૂ થઈ ગઈ છે. આ ઈવેન્ટમાં એન્ટરટેઈનમેન્ટ ઈન્ડસ્ટ્રીના ઘણા મોટા ચહેરાઓએ પણ ભાગ લીધો હતો.

ભૂમિ પેડનેકર

Source : તસવીર- ABP LIVE

Ideas Of India Summit 2025: એબીપી ન્યૂઝની આઈડિયાઝ ઓફ ઈન્ડિયા સમિટની ચોથી આવૃત્તિ શરૂ થઈ ગઈ છે. આ ઈવેન્ટમાં એન્ટરટેઈનમેન્ટ ઈન્ડસ્ટ્રીના ઘણા મોટા ચહેરાઓએ પણ ભાગ લીધો હતો. તબલા ઉસ્તાદ ઝાકિર હુસૈનના નાના ભાઈ ઉસ્તાદ તૌફિક કુરેશી અને બિક્રમ ઘોષથી લઈને અમોલ પાલેકર અને તાપસી પન્નુએ પણ અહીં ઘણી રસપ્રદ વાતો કરી.

મેરે હસબન્ડ કી બીવી ફિલ્માં હાલમાં જોવા મળેલી અભિનેત્રી ભૂમિ પેડનેકર પણ આ સમિટમાં જોડાઈ છે. તેણે અહીં તેની કારકિર્દી અને અન્ય બાબતો વિશે ખુલીને વાત કરી હતી. 

ભૂમિ પેડનેકરે સુંદરતા પર શું કહ્યું ?

જ્યારે ભૂમિને વિશ્વની 100 સૌથી સુંદર અભિનેત્રીઓમાં પસંદ કરવામાં આવી હતી, ત્યારે તેણે કહ્યું હતું કે તેની ફિલ્મ દમ લગાકે હઈશાથી લઈને આજ સુધી તેણે ક્યારેય પોતાની જાતને એવી રીતે નથી જોય કે હું સુંદર નથી. તમને જણાવી દઈએ કે ભૂમિ પેડનેકરને યુએનડીપીના સસ્ટેનેબલ ડેવલપમેન્ટ ગોલ્સ માટે પ્રથમ મહિલા એડવોકેટ બનાવવામાં આવી છે.

પોતાની ફિલ્મો પર શું બોલી ભૂમિ

ભૂમિએ પોતાની ફિલ્મો પર કહ્યું છે કે તમે તમારી પહેલી ફિલ્મ પસંદ નથી કરતા, પહેલી ફિલ્મ તમને પસંદ કરે છે. અને આ મારા જેવા લોકો માટે તદ્દન સાચું સાબિત થાય છે કારણ કે આપણે બહારના છીએ. પરંતુ મને દમ લગાકે હઈશા  મળી અને તેમાં મેં એક  ઓવરવેટ યુવતીનો રોલ કર્યો જેના માટે મને પ્રેમ મળ્યો. તમને જણાવી દઈએ કે તેણે લેસ્બિયનથી લઈને  અનેક પ્રકારના  પાત્રોમાં કામ કર્યું છે.

ફિલ્મોમાં મહિલાઓની સ્થિતિ પર શું કહ્યું ભૂમિએ 

તેણે આ અંગે સૌનું ધ્યાન ખેંચ્યું. તેમણે પુરુષો અને સ્ત્રીઓને મળતી ક્રેડિટ અને પૈસાને લઈ વાત કરી. તેણે કહ્યું કે મહિલાઓને ઓછું અને પુરુષોને વધુ મળે છે. અને જ્યારે ફિલ્મમાં એક્ટર લીડ હોય છે ત્યારે છોકરી પણ લીડ હોય છે અને આવી સ્થિતિમાં 80 ટકા ક્રેડિટ એક્ટરને જ  આપવામાં આવે છે. 

મહિલાઓને પડતી સમસ્યાઓ વિશે શું કહ્યું ?

ભૂમિએ ફિલ્મોમાં મહિલાઓ સાથે કાસ્ટિંગ કાઉચ અને હિંસા અંગે વાત કરી હતી. તેણે કહ્યું કે તેણે પોતે કાસ્ટિંગ ડિરેક્ટર તરીકે કામ કર્યું છે. હું એમ નથી કહેતી કે એવું થતું નથી, પણ મેં મારી જાત સાથે ક્યારેય તેનો અનુભવ કર્યો નથી.

પરંતુ તેમણે એમ પણ કહ્યું કે જો તમારી દીકરી ઘરની બહાર હોય અને ઘરે આવવામાં વિલંબ થાય તો તમે તણાવ અનુભવવા લાગો છો કારણ કે તમે સમાચારોમાં એટલું બધુ જોવો છો કે  મહિલાઓ સામે હિંસા થઈ રહી છે. તેણે મહિલાઓ સામેની હિંસા અંગે ચિંતા વ્યક્ત કરી હતી.

ક્લાઈમેટ ચેન્જ પર શું બોલી ભૂમિ 

ભૂમિએ પણ ક્લાઈમેટ ચેન્જને માનવતા માટે સૌથી મોટો ખતરો ગણાવ્યો અને એમ પણ કહ્યું કે આ ખૂબ જ ચિંતાનો વિષય છે કે આપણે તેના વિશે વિચારતા પણ નથી. તેણે બગડતી હવા, પાણી અને ખોરાક અંગે પણ ચિંતા વ્યક્ત કરી હતી.

હું પીએમ મોદીનું ખૂબ સન્માન કરું છું - ભૂમિ

અહીં ભૂમિ પેડનેકરે પીએમ મોદીના વખાણ કર્યા અને કહ્યું કે હું તેમનું ખૂબ સન્માન કરું છું. તેણે એમ પણ કહ્યું કે તે પીએમ મોદી સાથે પરીક્ષા પરની ચર્ચામાં સામેલ થઈ અને તેમના દ્વારા લેવામાં આવેલા પગલાથી ખૂબ પ્રભાવિત છે.