ખેડૂત આંદોલનઃ Kangana Ranaut પહોંચી પોલીસ સ્ટેશન, શીખ વિરોધી પોસ્ટ મામલે નોંધાવશે નિવેદન

બોલિવૂડ એક્ટ્રેસ કંગના રનૌત વારંવાર પોતાના નિવેદનના કારણે ચર્ચામાં રહે છે. હવે કંગના રનૌત મુંબઇના ખાર પોલીસ સ્ટેશનમાં પહોંચી છે

મુંબઇઃ બોલિવૂડ એક્ટ્રેસ કંગના રનૌત વારંવાર પોતાના નિવેદનના કારણે ચર્ચામાં રહે છે. હવે કંગના રનૌત મુંબઇના ખાર પોલીસ સ્ટેશનમાં પહોંચી છે. અહી એક પોસ્ટના કારણે કંગના વિરુદ્ધ એફઆઇઆર દાખલ થઇ છે. કંગનાએ પોસ્ટમાં કથિત રીતે ખેડૂત આંદોલનને અલગાવવાદી ગણાવ્યા હતા. હવે તપાસ અધિકારીએ આ મામલામાં કંગનાનું નિવેદન રેકોર્ડ કરશે.

25 જાન્યુઆરી સુધી બોલિવૂડ એક્ટ્રેસ કંગના રનૌતને આ મામલામાં ધરપકડ સામે રક્ષણ મળ્યું છે. સીઆરપીએફના અધિકારીઓએ કંગનાને એસ્કોર્ટ કરી હતી કારણ કે તેની પાસે Y+ સિક્યોરિટી છે. એક શિખ સંગઠને કંગના રનૌત વિરુદ્ધ આ ફરિયાદ દાખલ કરી હતી. સંગઠને આરોપ લગાવ્યો હતો કે કંગના પોતાના ઇન્સ્ટાગ્રામ પોસ્ટથી ખેડૂત આંદોલનને ખાલિસ્તાની આંદોલન ગણાવ્યું હતું.

મુંબઇ પોલીસે કંગના રનૌતને આ મહિનામાં પૂછપરછ માટે નોટિસ મોકલી હતી. આ પ્રથમ કેસ નથી જેમાં કંગના વિરુદ્ધ કેસ દાખલ કરાયો છે. અગાઉ પણ અલગ અલગ કારણોથી કંગનાને પોલીસ કાર્યવાહીનો સામનો કરવો પડ્યો છે.

બાદમા કંગનાનું એકાઉન્ટ ટ્વિટર પરથી સસ્પેન્ડ કરી દેવામાં આવ્યું છે. કંગના રનૌતે બાદમાં ઇન્સ્ટાગ્રામ પર પોસ્ટ શરૂ કરી દીધી હતી. તે ઇન્સ્ટાગ્રામ પર સતત નિવેદનો આપતી રહે છે. નોંધનીય છે કે પંજાબમાં કંગનાનો ખેડૂતોએ વિરોધ કર્યો હતો.