Kantara 2: 'કાંતારા 2'નું ધાંસૂ ટીજર થયુ રિલીઝ, હાથમાં ત્રિશૂલ અને લોહીથી લથપથ જોવા મળ્યો એક્ટર...

Kantara 2 Teaser Release: ‘કાંતારા 2’નું ટીઝર વર્ષ 2022ની બ્લૉકબસ્ટર ‘કાંતારા’ની પ્રિક્વલની દુનિયાની ઝલક આપે છે. તેનું ટાઇટલ 'કાંતારાઃ ચેપ્ટર 1- અ લિજેન્ડ' રાખવામાં આવ્યું છે

(તસવીર- એબીપી લાઇવ)

Source : એબીપી લાઇવ

Kantara 2 Teaser Release: ઋષભ શેટ્ટીની 'કંતારા' વર્ષ 2022માં રિલીઝ થઈ હતી અને તે બ્લૉકબસ્ટર રહી હતી. ફિલ્મની સુપર સક્સેસ પછી ઋષભ શેટ્ટીએ 'કંતારા 2'ની જાહેરાત કરી હતી, ત્યારથી ચાહકો આ ફિલ્મની રિલીઝની આતુરતાથી રાહ જોઈ રહ્યા છે. હાલમાં જ ઋષભ શેટ્ટીએ ફિલ્મની રિલીઝ ડેટની જાહેરાત કરી હતી, તેના થોડા કલાકો બાદ ફિલ્મનું ધમાકેદાર ટીઝર પણ રિલીઝ કરવામાં આવ્યું છે.

‘કાંતારા 2’ નું ધાંસૂ ટીજર થયુ રિલીઝ 
‘કાંતારા 2’નું ટીઝર વર્ષ 2022ની બ્લૉકબસ્ટર ‘કાંતારા’ની પ્રિક્વલની દુનિયાની ઝલક આપે છે. તેનું ટાઇટલ 'કાંતારાઃ ચેપ્ટર 1- અ લિજેન્ડ' રાખવામાં આવ્યું છે. ટીઝર 82 સેકન્ડ લાંબુ છે અને તે શબ્દોથી શરૂ થાય છે, “તે પળ આવી ગઇ છે”, ત્યારપછી બ્લેક સ્ક્રીન પર કંઇક બળતુ દેખાઇ છે અને પછી ટૉર્ચ સાથે જંગલની બહાર જતા શિવ (ઋષભ શેટ્ટી)ની પૃષ્ઠભૂમિમાં એક ઝાંખી છબી સાથે પસાર થતો બતાવ્યો છે.

જ્યારે તે અગ્નિથી ઘેરાયેલો છે, ત્યારે એક અવાજ સંભળાય છે, "પ્રકાશ! પ્રકાશમાં બધું દેખાય છે! પરંતુ આ પ્રકાશ નથી! તે એક દ્રષ્ટિ છે! એક દ્રષ્ટિ જે આપણને બતાવે છે કે ગઈકાલે શું હતું, શું છે અને શું હશે! તમે જોઈ શકતા નથી?" અંધકાર વચ્ચે શિવનો ચહેરો પણ દેખાય છે. ટીઝર પરથી એ પણ સ્પષ્ટ થઈ ગયું છે કે આ વખતે સ્ટૉરી કદંબ વંશના શાસનકાળની હશે.

‘કાંતારા 2’ ના ટીજરમાંથી મળી ઋષભ શેટ્ટીના ખૂંખાર લૂકની ઝલક 
ગુફા પર પૂર્ણ ચંદ્ર આવતાની સાથે જ લોહીથી લથપથ એક વ્યક્તિ ત્રિશૂળ લહેરાવતો જોવા મળે છે. ગરદનની આસપાસ રુદ્રાક્ષ અને લાંબા, લહેરાતા વાળ સાથે, ઋષભ શેટ્ટીનો વિકરાળ લૂક દેખાય છે જે રોંગડા ઉભા કરી દેનારો છે.

ક્યારે રિલીઝ થશે ‘કાંતારા 2’ 
'કાંતારા' ઋષભ શેટ્ટીએ લખી અને નિર્દેશિત કરી હતી. 2022માં રિલીઝ થયેલી આ ફિલ્મ માટે તેને બેસ્ટ અભિનેતાનો રાષ્ટ્રીય પુરસ્કાર પણ મળ્યો હતો. ફિલ્મ, કાંતારાઃ ચેપ્ટર 1 - એ લિજેન્ડની રિલીઝ ડેટ પણ આવી ગઈ છે. તમને જણાવી દઈએ કે આ ફિલ્મ 2 ઓક્ટોબર, 2025ના રોજ ગાંધી જયંતિના અવસર પર મોટા પડદા પર રિલીઝ થશે.

આ પણ વાંચો