Nora Fatehi Instagram: નોરા ફતેહીએ ડિલિટ કર્યું ઇન્સ્ટાગ્રામ એકાઉન્ટ, કેટલાક કલાક અગાઉ શેર કરી હતી દુબઇ વેકેશનની તસવીરો

બોલિવૂડ એક્ટ્રેસ નોરા ફતેહીના ફેન્સ માટે ચોંકાવનારા સમાચાર આવ્યા છે

Nora_Fatehi_01

બોલિવૂડ એક્ટ્રેસ નોરા ફતેહીના ફેન્સ માટે ચોંકાવનારા સમાચાર આવ્યા છે. તેણે પોતાનું ઇન્સ્ટાગ્રામ એકાઉન્ટ ડિલિટ કરી દીધું છે. આ પ્લેટફોર્મ પર તેના 37.6 મિલિયન ફોલોઅર્સ હતા.નોરા ફતેહીના ઇન્સ્ટાગ્રામ પેજ પર જો તમે ક્લિક કરશો તો ત્યાં આ પેજ અવેલેબલ નથી એમ લખેલું જોવા મળશે. એક્ટ્રેસે કેટલાક કલાકો અગાઉ જ દુબઇ વેકેશનની તસવીરો અને વીડિયો પોસ્ટ કરી હતી.

નોરા હાલમાં દુબઇમાં છે અને વેકેશન એન્જોય કરી રહી છે. થોડા સમય અગાઉ જ એક વીડિયો શેર કર્યો હતો જેમાં તે સિંહને ખાવાનું ખવડાવી રહી છે. તેના આ ફોટો અને વીડિયો સોશિયલ મીડિયા પર છવાયા હતા.નોરા થોડા દિવસ અગાઉ જ કોરોના પોઝિટીવ થઇ હતી પરંતુ રિકવર થયા બાદ તે વેકેશન મનાવવા દુબઇ પહોંચી છે. નોરા છેલ્લે ‘નાચ મેરી રાની’ ગીતમાં જોવા મળી હતી જેમાં ગુરુ રંધાવા પણ હતો. આ ગીત ફેન્સને ખૂબ પસંદ આવ્યું હતું.