Pathaan Box Office Collection: શાહરૂખની ફિલ્મ 'પઠાણ'એ KGF 2ને પછાડી, પ્રથમ દિવસે તોડ્યો આ રેકોર્ડ
આ સાથે 'પઠાણે' યશની બ્લોકબસ્ટર ફિલ્મ 'KGF 2'ને પહેલા દિવસની કમાણીના મામલામાં પાછળ છોડી દીધી છે.
Shah Rukh Khan Pathaan Box office Collection: બોલિવૂડના મેગા સુપરસ્ટાર શાહરૂખ ખાનની ફિલ્મ 'પઠાણ'એ તેની રીલિઝ સાથે જ બોક્સ ઓફિસ પર ધમાલ મચાવી છે. કિંગ ખાનની ફિલ્મ 'પઠાણ'એ ઓપનિંગ ડે પર રેકોર્ડબ્રેક કમાણી કરીને બધાને ચોંકાવી દીધા છે. 'પઠાણ'એ રિલીઝના પહેલા દિવસે બોક્સ ઓફિસ કલેક્શનના મામલામાં સુપરસ્ટાર યશની બ્લોકબસ્ટર ફિલ્મ 'KGF ચેપ્ટર 2' (KGF 2)ને પાછળ છોડી દીધી છે.
#Pathaan Day 1 India 🇮🇳 opening ₹ 54 Crs Nett..
— Ramesh Bala (@rameshlaus) January 26, 2023
A new All-time record.. 🔥
Early estimates..
ફિલ્મ 'પઠાણ'ની રિલીઝ પહેલા રેકોર્ડબ્રેક એડવાન્સ બુકિંગ પહેલાથી જ અનુમાન લગાવવામાં આવી રહ્યું હતું કે શાહરૂખ ખાનની ફિલ્મ શરૂઆતના દિવસે બોક્સ ઓફિસ પર કરોડોની કમાણી કરશે. 'પઠાણ' પહેલા દિવસે દર્શકોની અપેક્ષાઓ પર ખરી ઉતરી છે. દરમિયાન, પ્રખ્યાત ટ્રેડ એનાલિસ્ટ રમેશ બાલાએ 'પઠાણ'ની રિલીઝના પહેલા દિવસના બોક્સ ઓફિસ કલેક્શન વિશે માહિતી આપી છે. જે મુજબ શાહરૂખ ખાન સ્ટારર ફિલ્મ 'પઠાણ'એ ભારતમાં ઓપનિંગ ડે પર રેકોર્ડ બ્રેક 54 કરોડની કમાણી કરી છે. આ સાથે 'પઠાણે' યશની બ્લોકબસ્ટર ફિલ્મ 'KGF 2'ને પહેલા દિવસની કમાણીના મામલામાં પાછળ છોડી દીધી છે.બોલિવૂડ હંગામાના રિપોર્ટ અનુસાર, યશની 'KGF ચેપ્ટર 2' એ શરૂઆતના દિવસે 53.95 કરોડનું કલેક્શન કર્યું હતું.
'પઠાણ'ની આ જબરદસ્ત ઓપનિંગની સાથે જ શાહરૂખ ખાને પોતાની ફિલ્મનો રેકોર્ડ પણ તોડી નાખ્યો છે. બોલિવૂડ હંગામાના રિપોર્ટ અનુસાર, વર્ષ 2014માં આવેલી 'હેપ્પી ન્યૂ યર'એ શરૂઆતના દિવસે 44.97 કરોડનું બમ્પર કલેક્શન કર્યું હતું. આવી સ્થિતિમાં 'પઠાણ' હવે શાહરૂખ ખાનના કરિયરની સૌથી મોટી ફિલ્મ બની ગઈ છે.
તરણ આદર્શે ટ્વીટ કર્યું કે શાહરૂખ ખાનની 'પઠાણ'એ PVR પાસેથી 11.40 કરોડ, INOX પાસેથી 8.75 કરોડ, Cinepolis પાસેથી 4.90 કરોડનું કલેક્શન કર્યું છે. આ રીતે 'પઠાણ'એ આ નેશનલ થિયેટર ચેનમાંથી અત્યાર સુધીમાં 25.05 કરોડ રૂપિયાની કમાણી કરી છે. ફિલ્મના કલેક્શનના આ આંકડા રાત્રે 8.15 વાગ્યા સુધીના છે.
શાહરૂખે આ ફિલ્મોના રેકોર્ડ તોડ્યા
ટ્રેડ એનાલિસ્ટે એ પણ જણાવ્યું હતું કે 'વોર'એ શરૂઆતના દિવસે 19.67 કરોડ રૂપિયા, 'ઠગ્સ ઑફ હિન્દોસ્તાન'એ 18 કરોડ અને 'KGF'એ 22.15 કરોડ રૂપિયાનું કલેક્શન કર્યું હતું. જો આ રીતે જોવામાં આવે તો 'પઠાણ' એ પહેલા જ દિવસે આ ફિલ્મોનો રેકોર્ડ તોડી નાખ્યો છે
ટ્રેન્ડિંગ સમાચાર
ટોપ સ્ટોરી
