Pushpa 2 ના આ સીન પર કોંગ્રેસને વાંધો પડ્યો ? પોલીસમાં અલ્લૂ અર્જૂન વિરૂદ્ધ નોંધાવી ફરિયાદ
Allu Arjun: કોંગ્રેસના નેતા તેનમાર મલ્લાન્નાએ મેડીપલ્લી પોલીસ સ્ટેશનમાં ફરિયાદ નોંધાવી છે
Allu Arjun: તેલુગુ સુપરસ્ટાર અલ્લૂ અર્જૂનની મુશ્કેલીઓ ઓછી નથી થઈ રહી. તેલંગાણામાં કોંગ્રેસના એક વરિષ્ઠ નેતાએ તેની નવી ફિલ્મ 'પુષ્પા 2: ધ રાઇઝ'ના તેલુગુ સુપરસ્ટાર વિરુદ્ધ પોલીસ ફરિયાદ નોંધાવી છે. તેણે આરોપ લગાવ્યો છે કે, ફિલ્મના એક સીનમાં પોલીસ ફૉર્સનું અપમાન કરવામાં આવ્યું છે.
કોંગ્રેસના નેતા તેનમાર મલ્લાન્નાએ મેડીપલ્લી પોલીસ સ્ટેશનમાં ફરિયાદ નોંધાવી છે. ફરિયાદમાં અભિનેતા ઉપરાંત ફિલ્મના નિર્દેશક સુકુમાર અને નિર્માતાના નામ પણ છે.
ફિલ્મના આ સીન પર ઉઠાવ્યા સવાલો
તેનમાર મલ્લાન્નાએ ખાસ કરીને તે સીનની ટીકા કરી હતી જેમાં હીરો પોલીસ અધિકારીના સ્વિમિંગ પૂલમાં પેશાબ કરે છે. તેમણે આ દ્રશ્યને કાયદા અમલીકરણ અધિકારીઓની ગરિમા માટે અપમાનજનક ગણાવ્યું છે. પોતાની ફરિયાદમાં તેણે ફિલ્મના નિર્દેશક સુકુમાર અને મુખ્ય અભિનેતા અલ્લૂ અર્જૂન તેમજ ફિલ્મના નિર્માતાઓ સામે કાર્યવાહી કરવાની માંગ કરી છે. તેમણે અધિકારીઓને પોલીસના વાંધાજનક ચિત્રણને રોકવા માટે કડક પગલાં લેવા વિનંતી કરી.
અલ્લૂ અર્જૂનના ઘર પર થયો હતો હુમલો
આ પહેલા સાઉથના સુપરસ્ટાર અલ્લૂ અર્જૂનના હૈદરાબાદ સ્થિત ઘરને રવિવારે નિશાન બનાવવામાં આવ્યું હતું. OU JAC સાથે સંકળાયેલા બદમાશોએ અલ્લૂ અર્જૂનના ઘરે ટામેટાં ફેંક્યા હતા અને ફૂલ-છોડના કૂંડાઓને પણ નુકસાન પહોંચાડ્યું હતું. હાલ પોલીસ આ મામલે તપાસ કરી રહી છે.
CM એ આપ્યા તપાસના આદેશ
વળી, તેલંગાણાના મુખ્યપ્રધાન રેવંત રેડ્ડીએ રવિવારે અલ્લૂ અર્જૂનના હૈદરાબાદના નિવાસસ્થાન પર થયેલા હુમલાની નિંદા કરી અને પોલીસ અધિકારીઓને કાર્યવાહી કરવાનો આદેશ આપ્યો. ટ્વીટર પર એક પૉસ્ટ શેર કરતા તેલંગાણાના મુખ્યમંત્રી રેવન્ત રેડ્ડીએ લખ્યું, "હું ફિલ્મ સેલિબ્રિટીઓના ઘર પર હુમલાની નિંદા કરું છું. હું રાજ્યના ડીજીપી અને શહેર પોલીસ કમિશનરને કાયદો અને વ્યવસ્થા અંગે કડક પગલાં લેવા આદેશ આપું છું. આમાં કોઈ બેદરકારી સહન કરવામાં આવશે નહીં. આ સંદર્ભે વરિષ્ઠ અધિકારીઓએ સંધ્યા થિયેટરની ઘટનામાં સામેલ પોલીસકર્મીઓને જવાબ ન આપવાનું ધ્યાન રાખવું જોઈએ."
આ પણ વાંચો
ટ્રેન્ડિંગ સમાચાર
ટોપ સ્ટોરી
