Bhool Bhulaiya 3: ‘કહાની અભી ખતમ નહી હુઈ’.. કાર્તિક આર્યને શેર કર્યું ‘ભૂલ ભૂલૈયા 3’નું ટીઝર, ફિલ્મ ક્યારે થશે રિલીઝ?
Bhool Bhulaiya 3 Teaser: બોલિવૂડ એક્ટર કાર્તિક આર્યનની ફિલ્મ 'ભૂલ ભુલૈયા 3'ની જાહેરાત કરવામાં આવી છે. આ સાથે 'ભૂલ ભુલૈયા 3'નું ટીઝર પણ રિલીઝ કરવામાં આવ્યું છે.
Bhool Bhulaiya 3 Teaser Released: હિન્દી સિનેમાનો સુપરસ્ટાર કાર્તિક આર્યન ફરી એકવાર રૂહ બાબાના પાત્ર સાથે ચાહકોનું દિલ જીતવા આવી રહ્યો છે. 'ભૂલ ભુલૈયા 2'ની અપાર સફળતા બાદ હવે મેકર્સ 'ભૂલ ભુલૈયા 3' લાવી રહ્યા છે. જેની જાહેરાત કાર્તિક આર્યન દ્વારા સોશિયલ મીડિયા પર કરવામાં આવી છે. કાર્તિકે 'ભૂલ ભુલૈયા 3'ની જાહેરાત સાથે ફિલ્મનું ટીઝર પણ રિલીઝ કર્યું છે.
'ભૂલ ભુલૈયા 3'નું ટીઝર સામે આવ્યું છે
જો ગયા વર્ષે બોક્સ ઓફિસ પર સફળ હિન્દી ફિલ્મોની વાત કરીએ તો કાર્તિક આર્યનની 'ભૂલ ભુલૈયા 2'નું નામ ટોપ લિસ્ટમાં સામેલ થશે. પાર્ટ 2ની સુપર સક્સેસ બાદ 'ભૂલ ભૂલૈયા 3'ની તૈયારીઓ શરૂ થઈ ગઈ છે. કાર્તિક આર્યનએ તેના ઓફિશિયલ ઈન્સ્ટાગ્રામ હેન્ડલ પર 'ભૂલ ભૂલૈયા 3'ની જાહેરાત કરી છે. આ સાથે કાર્તિક દ્વારા 'ભૂલ ભુલૈયા 3'નું ટીઝર પણ રિલીઝ કરવામાં આવ્યું છે. આ ટીઝરમાં કાર્તિક આર્યન રૂહ બાબાના પાત્રમાં જોવા મળી રહ્યો છે. કાર્તિક કહી રહ્યો છે કે શું લાગ્યું કહાની ખતમ થઈ ગઈ. દરવાજા તો બંધ થાય છે જેથી ફરી ખોલી શકે. હું ફક્ત આત્માઓ સાથે વાત નથી કરતો પરંતુ આત્માઓ મારી અંદર પણ આવી જાય છે. ‘ભૂલ ભૂલૈયા 3’ના શાનદાર ટીઝર સાથે ફિલ્મની રિલીઝ ડેટ પણ જાહેર કરવામાં આવી છે.
View this post on Instagram
'ભૂલ ભૂલૈયા 3' ક્યારે રિલીઝ થશે?
કાર્તિક આર્યને 'ભૂલ ભુલૈયા 3'નું ટીઝર શેર કર્યું અને વીડિયોના કેપ્શનમાં લખ્યું કે- 'રુહ બાબા રિટર્ન્સ દિવાળી 2024' એટલે કે 'ભૂલ ભુલૈયા 3' આવતા વર્ષે દિવાળીના અવસર પર સિનેમાઘરોમાં રિલીઝ થશે. અગાઉ, કાર્તિક આર્યનની 'ભૂલ ભુલૈયા 2' વર્ષ 2022ની હિટ ફિલ્મોમાં સામેલ હતી. એક રિપોર્ટ અનુસાર, 'ભૂલ ભૂલૈયા 2' એ બોક્સ ઓફિસ પર 185 કરોડ રૂપિયાની કમાણી કરી છે, જેના કારણે 'ભૂલ ભૂલૈયા 2' બ્લોકબસ્ટર સાબિત થઈ છે.
ફિલ્મ માટે આખી ટીમને શુભકામના: યુઝર્સ
ફિલ્મની આ જાહેરાત પર લોકોની પ્રતિક્રિયાઓ પણ આવવા લાગી છે. એક યુઝરે લખ્યું કે, “આજના સૌથી સારા સમાચાર છે.” અન્ય એક યુઝરે લખ્યું, “આ ફિલ્મ સુપરહિટ રહેશે.” અન્ય એક યુઝરે લખ્યું, “આ ફિલ્મ માટે આખી ટીમને શુભકામનાઓ.
ટોપ સ્ટોરી
ટ્રેન્ડિંગ સમાચાર
