Stree 2 Box Office Collection: ભારતની સૌથી મોટી હિંદી ફિલ્મ બનશે 'સ્ત્રી 2'? જાણો કલેક્શન  

શ્રદ્ધા કપૂરની ફિલ્મ 'સ્ત્રી 2' બોક્સ ઓફિસ પર શાનદાર પ્રદર્શન કરી રહી છે. સ્ત્રી 2 ફિલ્મ ધમાકેદાર કલેક્શન કરી રહી છે.  

ફિલ્મ 'સ્ત્રી 2'

Source : ABP LIVE

Stree 2 Box Office Collection Day 27:  બોલીવૂડ અભિનેત્રી શ્રદ્ધા કપૂરની ફિલ્મ 'સ્ત્રી 2' બોક્સ ઓફિસ પર શાનદાર પ્રદર્શન કરી રહી છે. સ્ત્રી 2 ફિલ્મ ધમાકેદાર કલેક્શન કરી રહી છે.  આ ફિલ્મને પડદા પર આવ્યાને લગભગ એક મહિના જેટલો સમય થઈ ગયો છે પરંતુ દર્શકો તેને પ્રેમ  કરી રહ્યા છે.  'સ્ત્રી 2' પહેલાથી જ બોક્સ ઓફિસ કલેક્શનમાં ઘણી બ્લોકબસ્ટર ફિલ્મોને હરાવી ચૂકી છે અને હવે તે રૂ. 600 કરોડના ક્લબનો ભાગ બનવાની નજીક આવી રહી છે.

સૈકનિલ્કના રિપોર્ટ અનુસાર, 'સ્ત્રી 2' એ તેની રિલીઝના 26માં દિવસે 3.25 કરોડ રૂપિયાનો બિઝનેસ કર્યો હતો. આ સાથે 'સ્ત્રી 2' એ 26 દિવસમાં કુલ રૂ. 553.93 કરોડની કમાણી કરીને રણબીર કપૂર સ્ટારર 'એનિમલ'ને પાછળ છોડી દીધી હતી અને સૌથી વધુ કમાણી કરનાર બીજી હિન્દી ફિલ્મ બની હતી. હવે 27મા દિવસે કલેક્શનના પ્રારંભિક આંકડા પણ સામે આવ્યા છે.         

 

 

 

 

 

View this post on Instagram

 

 

 

 

 

 

 

 

 

 

 

A post shared by Maddock Films (@maddockfilms)

'સ્ત્રી 2' 600 કરોડમાં એન્ટ્રીની નજીક છે 

'સ્ત્રી 2' એ 27માં દિવસે અત્યાર સુધી ઘરેલુ બોક્સ ઓફિસ પર 1.78 કરોડ રૂપિયાનો બિઝનેસ કર્યો છે. શ્રદ્ધા કપૂર અભિનીત આ કોમેડી ફિલ્મે અત્યાર સુધીમાં કુલ રૂ. 555.63 કરોડની કમાણી કરી છે અને આ સાથે તે રૂ. 600 કરોડના ક્લબમાં પ્રવેશવા તરફ આગળ વધી રહી છે.

શું 'જવાન'ને આપશે મ્હાત ? 

તમને જણાવી દઈએ કે 'એનિમલ' પહેલા 'સ્ત્રી 2'એ સની દેઓલની 'ગદર 2' અને શાહરૂખ ખાન સ્ટારર 'પઠાણ' જેવી ઘણી બ્લોકબસ્ટર ફિલ્મોને મ્હાત આપી છે. હવે આ ફિલ્મનું આગામી ટાર્ગેટ શાહરૂખ ખાનની 'જવાન' છે, જે હિન્દી સિનેમાની સૌથી વધુ કમાણી કરનારી ફિલ્મ છે.

'સ્ત્રી 2' સૌથી વધુ કમાણી કરનારી હિન્દી ફિલ્મ બની શકે છે 

2023માં રિલીઝ થયેલી ફિલ્મ 'જવાન'એ ભારતમાં કુલ 640.25 કરોડ રૂપિયાનો બિઝનેસ કર્યો હતો. હવે જો 'સ્ત્રી 2' આ આંકડો પાર કરશે તો તે અત્યાર સુધીની સૌથી વધુ કમાણી કરનાર હિન્દી ફિલ્મ બની જશે.