Taapsee Wedding: એક્ટ્રેસ તાપસી પન્નૂએ ગૂપચૂપ કરી લીધા લગ્ન ? જાણો કોણ છે દુલ્હો ને ક્યાં લીધા સાત ફેરા......
તાપસી પન્નૂ અને મેથિયાસ બો પતિ-પત્ની બની ગયા છે. મીડિયા અહેવાલો દ્વારા મળેલા તાજા સમાચાર મુજબ, તાપસી પન્નૂએ તેના લૉન્ગટાઇમ બોયફ્રેન્ડ મેથિયાસ બો સાથે 23 માર્ચે લગ્ન કર્યા હતા
Taapsee Pannu Wedding: બૉલીવુડ સ્ટાર એક્ટ્રેસ તાપસી પન્નૂ છેલ્લા ઘણા કેટલાય દિવસોથી તેના લોંગટાઈમ બૉયફ્રેન્ડ મેથિયાસ બો સાથેના લગ્નના સમાચારને કારણે ચર્ચામાં હતી. છેલ્લા 10 વર્ષથી ડેટ કરી રહેલા આ કપલ માર્ચ મહિનામાં લગ્ન કરવાના હતા અને હવે લેટેસ્ટ મીડિયા રિપોર્ટ્સ અનુસાર તાપસી પન્નૂ અને મેથિયાસ બો પતિ-પત્ની બની ગયા છે. મીડિયા અહેવાલો દ્વારા મળેલા તાજા સમાચાર મુજબ, તાપસી પન્નૂએ તેના લૉન્ગટાઇમ બોયફ્રેન્ડ મેથિયાસ બો સાથે 23 માર્ચે લગ્ન કર્યા હતા. આ કપલે બૉલીવૂડના ફેવરિટ વેડિંગ ડેસ્ટિનેશન ઉદયપુરમાં લગ્ન કર્યા હતા.
અભિનેત્રી તાપસી પન્નૂ અને ભૂતપૂર્વ ઓલિમ્પિક મેડલ વિજેતા મેથિયાસ બોએ પરિવાર અને નજીકના મિત્રોની હાજરીમાં લગ્ન કર્યા. એક સૂત્રએ ખુલાસો કર્યો, 'લગ્ન ઉદયપુરમાં થયા હતા અને ખૂબ જ નજીકના મિત્રો હતા અને અફેર પણ હતું. પ્રી-વેડિંગ ફંક્શન્સ 20 માર્ચે શરૂ થયા હતા. આ કપલ તેમના લગ્નમાં મીડિયાનું ધ્યાન રાખવા માંગતા ન હતા. આ બંને એવા લોકો છે જે મીડિયા અને લાઇમલાઇટથી દૂર રહે છે.
બૉલીવુડ સ્ટાર્સને ના મળ્યુ આમંત્રણ
મીડિયા અહેવાલ મુજબ, તાપસી પન્નૂના લગ્નમાં બૉલીવૂડના જાણીતા ચહેરાઓએ હાજરી આપી ન હતી. અભિનેત્રીએ માત્ર તેના નજીકના મિત્રો અનુરાગ કશ્યપ અને કનિકા ધિલ્લોનને આમંત્રણ આપ્યું હતું. તમને જણાવી દઈએ કે, અનુરાગ કશ્યપ અને તાપસી ઘણી ફિલ્મોમાં સાથે આવ્યા છે. પીઢ દિગ્દર્શકે અભિનેત્રીની ફિલ્મો 'મનમર્ઝિયાં' અને 'દોબારા'નું નિર્દેશન કર્યું હતું.
View this post on Instagram
કનિકા ધિલ્લોન 'હસીન દિલરૂબા', 'મનમર્ઝિયાં', 'ફિર આયી હસીન દિલરૂબા' જેવી તાપસીની ફિલ્મોની સ્ક્રિપ્ટ રાઈટર રહી ચૂકી છે. કનિકાએ તેના પતિ સાથે અભિનેત્રીના લગ્નમાં હાજરી આપી હતી અને સોશિયલ મીડિયા પર તાપસીની બહેન શગુન અને તેના પિતરાઈ ભાઈ સાથેનો ફોટો શેર કરીને કપલના લગ્ન વિશે સંકેત પણ આપ્યા હતા.
View this post on Instagram
View this post on Instagram
ટ્રેન્ડિંગ સમાચાર
ટોપ સ્ટોરી
