Tejas: કંગનાની 'તેજસ'ની રિલીઝ ડેટ થઇ ફાઇનલ, આ તારીખે આ સ્ટાર એક્ટરની ફિલ્મને આપશે ટક્કર
કંગના રનૌત એરફોર્સ યૂનિફૉર્મ પહેરીને એરક્રાફ્ટમાંથી બહાર નીકળતી જોવા મળે છે. બીજી તસવીરમાં તે એક્શન સીન કરતી જોવા મળી રહી છે અને તેની પાછળ એક સળગતી કાર જોવા મળી રહી છે.
Tejas Clashes Ganpath: બૉલીવુડ ક્વિન કંગના રનૌત હવે પોતાની અપકમિંગ ફિલ્મને લઇને ચર્ચામાં આવી છે. કંગના રનૌત તેની ફિલ્મોને લઈને ખુબ ચર્ચામાં રહે છે. તે હાલમાં જ તેના પ્રૉડક્શન હાઉસ હેઠળ બનેલી ફિલ્મ 'ટીકુ વેડ્સ શેરુ'ની સક્સેસનો આનંદ ઉઠાવી રહી છે. આ ફિલ્મમાં નવાઝુદ્દીન સિદ્દીકી અને અવનીત કૌર મુખ્ય ભૂમિકામાં જોવા મળ્યા છે. હવે કંગનાએ તેની ફિલ્મ 'તેજસ'ની રિલીઝ ડેટ જાહેર કરી છે. તેને આ ફિલ્મનો પોતાનો લૂક પહેલાથી જ શેર કર્યો હતો. હવે ફિલ્મના પોતાના લૂકની તસવીરો સાથે તેને ફિલ્મની તારીખનું એલાન કર્યુ છે. તેજસ 20 ઓક્ટોબરે સિનેમાઘરોમાં આવશે, આ સાથે જ હવે તેજસની સુપરસ્ટાર ટાઈગરની ફિલ્મ સાથે ટક્કર થવા જઈ રહી છે.
કંગના રનૌત એરફોર્સ યૂનિફૉર્મ પહેરીને એરક્રાફ્ટમાંથી બહાર નીકળતી જોવા મળે છે. બીજી તસવીરમાં તે એક્શન સીન કરતી જોવા મળી રહી છે અને તેની પાછળ એક સળગતી કાર જોવા મળી રહી છે. બંનેની તસવીરો જોઈને ફેન્સ ઉત્સાહિત થઈ ગયા છે. તસવીર શેર કરતી વખતે તેને લખ્યું- અમારા બહાદુર વાયુસેનાના પાઇલટ્સની બહાદુરીનું સન્માન. તેજસ 20 ઓક્ટોબરે સિનેમાઘરોમાં રિલીઝ થઈ રહી છે.
ટાઈગર શ્રોફ અને કૃતિ સેનનની ફિલ્મ ગણપત પણ 20 ઓક્ટોબરે રિલીઝ થઈ રહી છે. બંને ફિલ્મો એક્શન ડ્રામા હશે જે બૉક્સ ઓફિસ કલેક્શનને અસર કરી શકે છે. હવે જોવાનું એ રહેશે કે કઈ ફિલ્મ રિલીઝ ડેટ લંબાવે છે, અથવા બંને એક જ દિવસે રિલીઝ થશે.
View this post on Instagram
ઉલ્લેખનીય છે કે, અગાઉ કંગના રનૌતની ફિલ્મ ઈમરજન્સી 20 ઓક્ટોબરે જ રિલીઝ થવાની હતી. આ ફિલ્મ ઈન્દિરા ગાંધીના કાર્યકાળ દરમિયાનની ઈમરજન્સી પર આધારિત છે. વિકાસ બહલની ગણપત માટે 20 ઓક્ટોબરની રિલીઝ ડેટ લૉક કર્યા પછી, કંગનાએ ઇમર્જન્સીની રિલીઝ ડેટ મોકૂફ રાખવાનો નિર્ણય કર્યો હતો.
કેટલીય ફિલ્મો થશે ક્લેશ -
આ વર્ષે કેટલીય ફિલ્મોની ટક્કર થવાની છે. સની દેઓલની ગદર 2 અને અક્ષય કુમારની OMG 2 11 ઓગસ્ટે રિલીઝ થશે. બીજીબાજુ 1 ડિસેમ્બરે રણબીર કપૂરની એનિમલ અને વિકી કૌશલની સેમ બહાદુર સિનેમાઘરોમાં આવશે.
View this post on Instagram
View this post on Instagram
--
ટોપ સ્ટોરી
ટ્રેન્ડિંગ સમાચાર
