Khuda Haafiz 2 Trailer: વિદ્યુત જામવાલની 'ખુદા હાફિઝ 2 - અગ્નિપરીક્ષા'નું ટ્રેલર રીલિઝ

બોલિવૂડ એક્ટર વિદ્યુત જામવાલની ફિલ્મ 'ખુદા હાફિઝ 2 - અગ્નિપરીક્ષા'નું ટ્રેલર આજે રિલીઝ કરવામાં આવ્યું છે

ફિલ્મનું પોસ્ટર

Khuda Haafiz 2 Trailer:  બોલિવૂડ એક્ટર વિદ્યુત જામવાલની ફિલ્મ 'ખુદા હાફિઝ 2 - અગ્નિપરીક્ષા'નું ટ્રેલર આજે રિલીઝ કરવામાં આવ્યું છે. ફિલ્મના ટ્રેલરમાં નરગીસ અને સમીરની વાર્તા આગળ વધતી બતાવવામાં આવી છે. નરગીસને દેશમાં પરત લાવ્યા બાદ સમીર એટલે કે વિદ્યુત તેને ફરીથી સામાન્ય જીવન જીવવા માટે પ્રોત્સાહિત કરતો જોવા મળે છે.

આમાં સમીર તેની નરગીસને પાછી મેળવવા માટે એક છોકરીને દત્તક લે છે અને ત્રણેય ફરી એકવાર સાથે જીવનની શરૂઆત કરે છે. પણ આ વખતે પણ સમીરના સુખી જીવન પર ખરાબ નજર પડે છે. એક દિવસ કેટલાક લોકો તેની દીકરી નંદિનીનું સ્કૂલમાંથી અપહરણ કરી લે છે. આ પછી પિતાનો સંઘર્ષ શરૂ થાય છે. એક પિતા જે તેની પુત્રીને ખૂબ પ્રેમ કરે છે તેને સુરક્ષિત રીતે પરત લાવવાના તમામ પ્રયાસો કરતા જોવા મળે છે. ફિલ્મના ટ્રેલરમાં ઈમોશન અને એક્શન બંને જોવા મળે છે અને દર્શકો માટે સ્ટોરી સાથે રિલેટ કરવું પણ સરળ છે.

ફિલ્મ વિશે વિદ્યુત જામવાલ કહે છે, "હું દર્શકો અને ચાહકોનો ખૂબ જ આભારી છું, જેમણે મેં ભજવેલા દરેક પાત્ર માટે પ્રેમ વરસાવ્યો છે. સમીરને આટલો પ્રેમ આપવા બદલ હું તેમનો આભાર માનું તેટલો ઓછો છે. 8મી જુલાઈએ હું તમને સિનેમા હોલમાં સમીરના રૂપમાં જોવા મળીશ જે પ્રેમનું પ્રતિક છે. થિયેટરોમાં પ્રેક્ષકોનું મનોરંજન કરવાનો આનંદ કરતા વધુ મારા માટે બીજું કંઈ નથી."

નરગીસના પાત્રમાં જોવા મળનારી શિવાલીકા ઓબેરોય જણાવે છે કે ખુદા હાફિઝ સાથે, અમે (વિદ્યુત અને હું) દર્શકોને તેમની ડિજિટલ સ્ક્રીન પર સમીર અને નરગીસ તરીકે મળ્યા હતા, અને હવે અમે તેમના બીજા સ્થાને છીએ. જો તમે ક્યારેય વિચાર્યું હોય કે સુખદ અંત પછી શું થાય છે, તો આ ફિલ્મ ચોક્કસપણે તમારા માટે છે."

'ખુદા હાફિઝ ચેપ્ટર 2' 8 જુલાઈ, 2022ના રોજ સિનેમાઘરોમાં રીલિઝ થશે.  પહેલા આ ફિલ્મ સિનેમા ઘરોમાં 17 જૂને રિલીઝ થવાની હતી. આ એક્શન ડ્રામા ફિલ્મમાં વિદ્યુત જામવાલ સાથે શિવાલીકા ઓબેરોય પણ મુખ્ય ભૂમિકામાં છે.આ ફિલ્મનું નિર્દેશન ફારુક કબીરે કર્યું છે. આ એક્શન થ્રિલર ફિલ્મ વર્ષ 2020માં રિલીઝ થયેલી 'ખુદા હાફિઝ'ની સિક્વલ છે.