100 કરોડ ક્લબમાં સામેલ થનારી સૌથી ઝડપી ફિલ્મ બની ગઈ Race 3, જાણો 3 દિવસમાં કેટલી કરી કમાણી

આ વર્ષે 6 ફિલ્મોએ 100 કરોડ ક્લબમાં જગ્યા બનાવી છે. ‘રેસ 3’એ 100 કરોડ ક્લબમાં સૌથી ઝડપી એન્ટ્રી મારી છે. આ ફિલ્મ ઉપરાંત ‘પદ્માવત’, ‘સોનૂ કે ટીટૂ કી સ્વીટી’, ‘રેડ’, ‘બાગી 2’ અને ‘રાઝી’ 100 કરોડ ક્લબમાં પહોંચી છે.

નવી દિલ્હીઃ હંમેશાની જેમ જ સલમાન ખાને આ વખતે પણ સાબિત કરી દીધું છે કે તે બોલિવૂડ બોક્સ ઓફિસના કિંગ છે. રેસ 3ની શાનદાર શરૂઆત બાદ ફિલ્મ માટે દર્શકોનો પ્રેમ વધતો જ જઈ રહ્યો છે. ફિલ્મે ત્રણ દિવસમાં 100 કરોડ ક્લબમાં એન્ટ્રી કરી લીધી છે.

આ ફિલ્મ 2018માં 100 કરોડ ક્લબમાં સામેલ થનારી સૌથી ઝડપી ફિલ્મ બની ગઈ છે.

‘રેસ 3’એ પ્રથમ દિવસે એટલે કે શુક્રવારે 29.17 કરોડ રૂપિયાની અને શનિવારે 38.14 કરોડ રૂપિયાની કમાણી કરી. રવિવારે ફિલ્મે 38 કરોડ રૂપિયાનો વકરો કર્યો અને આની સાથે જ ફિલ્મની કમાણી 105 કરોડ રૂપિયા પર પહોંચી.