Wedding: 'કેપ્ટન અમેરિકા'એ 16 વર્ષ નાની ગર્લફ્રેન્ડ સાથે કર્યા સિક્રેટ લગ્ન, જાણો કોણ છે એક્ટરની દુલ્હન ?
પેજ સિક્સના અહેવાલો અનુસાર, કપલે 9 સપ્ટેમ્બરે બૉસ્ટન, મેસેચ્યૂસેટ્સમાં એક પ્રાઇવેટ નિવાસસ્થાનમાં લગ્ન કર્યા હતા. તેમનો લગ્ન સમારોહ એકદમ પ્રાઇવેટ હતો.
Chris Evans Wedding: 'કેપ્ટન અમેરિકા' એટલે ક્રિસ ઇવાન્સના ફેન્સ માટે એક આશ્ચર્યજનક સમાચાર સામે આવ્યા છે. ક્રિસ ઇવાન્સ હવે પરણી ગયા છે. તેમને અચાનક લગ્ન કરીને તેના ફેન્સને ચોંકાવી દીધા. ક્રિસ ઇવાન્સ તેના કરતા 16 વર્ષ નાની તેની ગર્લફ્રેન્ડ અલ્બા બાપ્ટિસ્ટા સાથે ગુપચુપ રીતે લગ્ન કરી લીધા છે. ક્રિસ ઇવાન્સ 42 વર્ષના છે જ્યારે તેની ગર્લફ્રેન્ડ આલ્બા 26 વર્ષની છે. આમ ક્રિસ ઇવાન્સ કરતાં ગર્લફ્રેન્ડ 16 વર્ષ ઉંમરમા નાની છે.
વેડિંગ સેરેમની ખુબજ પ્રાઇવેટ રાખવામાં આવી -
પેજ સિક્સના અહેવાલો અનુસાર, કપલે 9 સપ્ટેમ્બરે બૉસ્ટન, મેસેચ્યૂસેટ્સમાં એક પ્રાઇવેટ નિવાસસ્થાનમાં લગ્ન કર્યા હતા. તેમનો લગ્ન સમારોહ એકદમ પ્રાઇવેટ હતો. ક્રિસ અને અલ્બાના લગ્નમાં માત્ર નજીકના મિત્રો અને પરિવારના સભ્યો જ હાજર રહ્યા હતા.
લગ્નમાં સામેલ થયા માર્વલના સુપરહીરોઝ -
વળી, છોકરા વાળા તરફથી માર્વલના કેટલાય સુપરહીરોઝ સામેલ થયા હતા. સૂત્રોના જણાવ્યા અનુસાર, આ આત્મીય સમારોહમાં રૉબર્ટ ડાઉની જૂનિયર, ક્રિસ હેમ્સવર્થ અને જેરેમી રેનર પણ હાજર હતા. જોકે, અત્યાર સુધી ક્રિસ અને આલ્બા તરફથી લગ્નને લઈને કોઈ પુષ્ટિ થઈ નથી.
બન્નેની લવ સ્ટૉરી -
વર્ષ 2022માં પહેલીવાર તેમના ડેટિંગના સમાચાર સામે આવ્યા હતા. આ કપલ ન્યૂયોર્કમાં સાથે ફરતા જોવા મળ્યા હતા. આ વર્ષની શરૂઆતમાં જ બંનેએ પોતાના સંબંધોને ઓફિશિયલ કરી દીધા હતા. કપલે ઈન્સ્ટાગ્રામ પર એક વીડિયો શેર કર્યો હતો, જેમાં બંને એકબીજાને બેબી અને બેબ કહેતા જોવા મળ્યા હતા.
View this post on Instagram
કોણ છે આલ્બા બેપ્ટિસ્ટા ?
26 વર્ષની આલ્બા એક પૉર્ટુગીઝ અભિનેત્રી છે, જેણે 2014માં સીરીઝ 'જાર્ડિનેસ પ્રૉબિડૉસ'થી પોતાની અભિનય કારકિર્દી શરૂ કરી હતી. આ પછી તેમને 'અ ઈમ્પૉસ્ટોરા', 'ફિલ્હા દા લે' જેવી ઘણી ફિલ્મોમાં પોતાના શાનદાર અભિનયથી લોકોના દિલ જીતી લીધા. 2020 થી 2022 સુધી, તેને નેટફ્લિક્સ સીરિઝ 'વૉરિયર નન'માં કામ કર્યું અને આ સાથે તેણે અંગ્રેજી શૉમાં ડેબ્યૂ કર્યું. ક્રિસ અને આલ્બાએ પહેલીવાર 'વૉરિયર નન'માં સાથે કામ કર્યું હતું.
ટ્રેન્ડિંગ સમાચાર
ટોપ સ્ટોરી
