Pushpa 3: 'પુષ્પા 2'ની રિલીઝ પહેલા કન્ફોર્મ થઇ 'પુષ્પા 3', ખુદ અલ્લૂ અર્જૂને આપ્યુ આ મોટુ અપડેટ
પુષ્પા ફિલ્મનો પહેલો ભાગ બોક્સ ઓફિસ પર બ્લોકબસ્ટર સાબિત થયો હતો. મૂવના દરેક ડાયલોગ અને ગીત પણ હિટ રહ્યા હતા
Allu Arjun confirms Pushpa 3: 'પુષ્પા - ધ રાઇઝ' પછી હવે સાઉથનો સુપરસ્ટાર અલ્લૂ અર્જૂન તેના બીજા ભાગ 'પુષ્પા - ધ રૂલ' સાથે મોટા પડદા પર ધમાલ મચાવવા માટે તૈયાર છે. ફેન્સ પુષ્પાના બીજા ભાગની આતુરતાથી રાહ જોઈ રહ્યા છે. નિર્દેશક સુકુમારની 'પુષ્પા ફ્રેન્ચાઈઝી'ને લઈને એક મોટું અપડેટ સામે આવી રહ્યું છે. ખરેખર, ફિલ્મના હીરોએ તેના આગામી ભાગને મંજૂરી આપી દીધી છે.
'પુષ્પા 2'ની રિલીઝ પહેલા કન્ફોર્મ થઇ 'પુષ્પા 3'
હા, તાજેતરમાં એક ઈન્ટરવ્યુ દરમિયાન અલ્લૂ અર્જૂને પુષ્પા 3 વિશે એક મોટું અપડેટ આપ્યું છે, જેને સાંભળીને ચાહકો આનંદથી ઉછળી જશે. અભિનેતાએ કહ્યું કે 'તમે ચોક્કસપણે ફિલ્મના ત્રીજા ભાગની અપેક્ષા રાખી શકો છો. અમે તેને ફ્રેન્ચાઇઝી બનાવવા માંગીએ છીએ અને અમારી પાસે લાઇનઅપ માટે ઘણા આકર્ષક વિચારો છે. અલ્લૂ અર્જૂનના આ નિવેદન બાદ એ વાતની પુષ્ટિ થઈ ગઈ છે કે મેકર્સ પુષ્પાને લાંબા સમય સુધી ફ્રેન્ચાઈઝી લેવા જઈ રહ્યા છે.
રશ્મિકા મંદાના પણ આપી ચૂકી છે હિન્ટ
તમને જણાવી દઈએ કે અભિનેતા પહેલા ફિલ્મની હીરોઈન રશ્મિકા મંદાના પણ પોતાની વાતચીતમાં 'પુષ્પા 3' વિશે સંકેત આપ્યો હતો. પિંકવિલા સાથે વાત કરતી વખતે તેણે કહ્યું હતું કે 'આ એક સ્ટૉરી છે જેનો કોઈ અંત નથી. આ ખૂબ જ મજા છે. હાલમાં, અલ્લૂ અર્જૂન અને રશ્મિકા 'પુષ્પા 2-ધ રૂલ'ના શૂટિંગમાં વ્યસ્ત છે.
View this post on Instagram
આ દિવસે રિલીઝ થશે પુષ્પા 2
તમને જણાવી દઈએ કે આ ફિલ્મ આ વર્ષે 15 ઓગસ્ટે સિનેમાઘરોમાં આવશે. આ ફિલ્મને લઈને દર્શકોમાં ઘણી હાઈપ હતી. ફિલ્મની સ્ટાર કાસ્ટની વાત કરીએ તો અલ્લૂ અર્જૂન અને રશ્મિકા ઉપરાંત ફહદ ફાસિલ, સુનીલ, પ્રકાશ રાજ, જગપતિ બાબુ, અનુસૂયા ભારદ્વાજ મહત્વની ભૂમિકામાં જોવા મળશે.
પુષ્પા ફિલ્મનો પહેલો ભાગ બોક્સ ઓફિસ પર બ્લોકબસ્ટર સાબિત થયો હતો. મૂવના દરેક ડાયલોગ અને ગીત પણ હિટ રહ્યા હતા. ફિલ્મના લાઇફટાઇમ કલેક્શનની વાત કરીએ તો 'પુષ્પા'એ બોક્સ ઓફિસ પર 350 કરોડ રૂપિયાથી વધુની કમાણી કરી હતી. આવી સ્થિતિમાં ચાહકોને તેના આગામી ભાગ પાસેથી ઘણી અપેક્ષાઓ છે.
ટ્રેન્ડિંગ સમાચાર
ટોપ સ્ટોરી
