બે બાળકોની માતા બન્યા પછી 'દયાબેન'નો બદલાયેલો લૂક જોઈ ચાહકો ચિંતિત: 'લગ્નથી ખુશ નથી?'
'તારક મહેતા કા ઉલ્ટા ચશ્મા' ફેમ દિશા વાકાણીનો વાયરલ ફોટો જોઈ ચાહકોની મિશ્ર પ્રતિક્રિયા, ચહેરા પરની કરચલીઓ બની ચર્ચાનો વિષય.
Disha Vakani transformation: 'તારક મહેતા કા ઉલ્ટા ચશ્મા' માં 'દયાબેન'ની ભૂમિકા ભજવીને ઘરે-ઘરે લોકપ્રિયતા મેળવનાર અભિનેત્રી દિશા વાકાણી (Disha Vakani) ભલે ઘણા સમય પહેલા શોને અલવિદા કહી ચૂકી હોય, પરંતુ આજે પણ ચાહકોમાં તેના પ્રત્યેનો ક્રેઝ અકબંધ છે. લાંબા સમયથી પડદા પરથી ગાયબ દિશાનો એક નવો ફોટો સોશિયલ મીડિયા પર વાયરલ થયો છે, જેને જોઈને ચાહકો ચિંતા વ્યક્ત કરી રહ્યા છે અને અવનવી ટિપ્પણીઓ કરી રહ્યા છે.
દિશા વાકાણીનો બદલાયેલો લૂક વાયરલ
'તારક મહેતા કા ઉલ્ટા ચશ્મા' શો છેલ્લા ઘણા વર્ષોથી દર્શકોનો પ્રિય રહ્યો છે, અને તેમાં દયાબેનનું પાત્ર હંમેશા લોકોના દિલમાં રહ્યું છે. 2017 માં પ્રસૂતિ રજા પર ગયેલી દિશા વાકાણી ત્યારથી શોમાં પરત ફરી નથી. ઘણી વખત તેના શોમાં પાછા ફરવાના અહેવાલો આવ્યા હતા, પરંતુ તે ક્યારેય હકીકતમાં ફેરવાયા નથી.
હવે દિશા વાકાણી બે બાળકોની માતા બની છે અને પોતાનો સંપૂર્ણ સમય બાળકોની સંભાળ રાખવામાં વિતાવે છે. તે જાહેર કાર્યક્રમોમાં પણ ભાગ્યે જ જોવા મળે છે. આ જ દરમિયાન, તેનો એક ફોટો સોશિયલ મીડિયા પર ખૂબ વાયરલ થઈ રહ્યો છે.
View this post on Instagram
ચાહકોની ચિંતા અને ટિપ્પણીઓ
વાયરલ થયેલી તસવીરમાં દિશા વાકાણી ખૂબ જ ઓછા મેકઅપમાં જોવા મળી રહી છે, અને તેના ચહેરા પર કરચલીઓ પણ સ્પષ્ટપણે દેખાઈ રહી છે. આ તસવીર જોયા પછી, ઘણા લોકો કહી રહ્યા છે કે દિશા હવે સંપૂર્ણપણે ગૃહિણી બની ગઈ છે.
કેટલાક ચાહકો દિશાનો આ બદલાયેલો લૂક જોઈને ખૂબ જ આશ્ચર્યચકિત થયા છે. એક યુઝરે ટિપ્પણી કરી, "અરે, તને શું થયું. તું પહેલા ખૂબ જ સુંદર દેખાતી હતી, પરંતુ હવે તેને ઓળખવી મુશ્કેલ થઈ ગઈ છે." જ્યારે બીજા એક યુઝરે લખ્યું કે, "તમારી તસવીર જોઈને લાગે છે કે તમે તમારા લગ્ન જીવનથી ખુશ નથી." આવી અનેક મિશ્ર પ્રતિક્રિયાઓ અને ચિંતા દર્શાવતી ટિપ્પણીઓ દિશાના આ વાયરલ ફોટો પર જોવા મળી રહી છે.
ટોપ સ્ટોરી
ટ્રેન્ડિંગ સમાચાર
