International Emmy Awards 2023: શેફાલી શાહ, જિમ સરભ અને વીર દાસ એમી એવોર્ડ્સ માટે નોમિનેટ, શાનદાર એક્ટિંગથી જીત્યા લોકોના દિલ

International Emmy Awards 2023: ઇન્ટરનેશનલ એમી એવોર્ડ્સ 2023 ની નોમિનેશન લિસ્ટ જાહેર કરવામાં આવી છે

ફોટોઃ ઇન્સ્ટાગ્રામ

International Emmy Awards 2023: ઇન્ટરનેશનલ એમી એવોર્ડ્સ 2023 ની નોમિનેશન લિસ્ટ જાહેર કરવામાં આવી છે. આ યાદી 26 સપ્ટેમ્બરે જાહેર કરવામાં આવી હતી અને તેમાં 20 અલગ-અલગ દેશોના લગભગ 56 લોકોને 14 અલગ-અલગ કેટેગરીમાં નોમિનેટ કરવામાં આવ્યા છે. ખાસ વાત એ છે કે ઇન્ડિયન એન્ટરટેઇનમેન્ટ ઇન્ડસ્ટ્રીઝે પણ નામાંકનમાં પોતાનું સ્થાન મેળવ્યું છે. જેના કારણે સેલેબ્સ ખુશીથી છવાઈ ગયા છે. બોલિવૂડ સેલેબ્સ શેફાલી શાહ, જિમ સરભ અને કોમેડિયન વીર દાસને આ વર્ષે ઇન્ટરનેશનલ એમી એવોર્ડ્સ માટે નોમિનેટ કરવામાં આવ્યા છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Shefali Shah (@shefalishahofficial)

આ વર્ષે 20 નવેમ્બરે ન્યૂયોર્કમાં ઇન્ટરનેશનલ એમી એવોર્ડ્સ 2023નું આયોજન થવા જઈ રહ્યું છે. શેફાલી શાહ અને જિમ સરભને તેમના OTT શો માટે બેસ્ટ પરફોર્મન્સ કેટેગરીમાં નોમિનેટ કરાયા છે.

આ કેટેગરીમાં થયા નોમિનેટ

શેફાલી શાહ અને જિમ સરભને બેસ્ટ પરફોર્મન્સ કેટેગરી માટે નોમિનેટ કરવામાં આવ્યા છે. શેફાલીને Netflix સિરીઝ દિલ્હી ક્રાઈમમાં DCP વર્તિકા ચતુર્વેદીની ભૂમિકા માટે નોમિનેટ કરવામાં આવી છે. જ્યારે જિમને રોકેટ બોયઝ સિરીઝ માટે નોમિનેટ કરવામાં આવ્યો છે. આ સિરીઝમાં તેણે ડો.હોમી જહાંગીર ભાબાનો રોલ કર્યો હતો. જેમને ભારતીય પરમાણુ કાર્યક્રમના પિતા પણ કહેવામાં આવે છે.

વીર દાસ આ કેટેગરીમાં નોમિનેટ થયા

વીર દાસ ખૂબ જ પ્રખ્યાત કોમેડિયન છે. તેને નેટફ્લિક્સ પર તેના શો વીર દાસ: લેન્ડિંગ માટે નોમિનેટ કરવામાં આવ્યો છે. વીર દાસની સાથે ફ્રાન્સના લે ફ્લેમ્બો, આર્જેન્ટિનાના અલ અનકારગાડો અને યુકેના કોમેડી શો ડેરી ગર્લ્સ સીઝન 3ને નોમિનેટ કરાયા છે.           

એકતા કપૂરનું કરાશે સન્માન

ફિલ્મ નિર્માતા એકતા કપૂરને ઇન્ટરનેશનલ એમી એવોર્ડ્સમાં સન્માનિત કરવામાં આવશે. તેને ફેમસ ઇન્ટરનેશનલ એમી ડિરેક્ટોરેટ એવોર્ડથી સન્માનિત કરવામાં આવશે.   

સેલેબ્સે પોસ્ટ શેર કરી          

શેફાલી શાહ, જિમ સરભ અને વીરે સોશિયલ મીડિયા પર ઈન્ટરનેશનલ એમી એવોર્ડ માટે નોમિનેટ થવા પર ખુશી વ્યક્ત કરી છે. સેલેબ્સ તેની પોસ્ટ પર કોમેન્ટ કરીને તેને અભિનંદન આપી રહ્યા છે.