Met Gala 2026: મેટ ગાલામાં છવાઈ ઈશા અંબાણી, શાહી અંદાજે ખેંચ્યું તમામનું ધ્યાન
Met Gala 2026: મેટ ગાલા 2026 ફરી એકવાર વિશ્વભરમાં ચર્ચાનો વિષય બન્યો. પરંતુ આ વખતે તે ફક્ત ફેશન જ નહીં પરંતુ કાંઈક અલગ કારણોસર ચર્ચામાં છે.
Met Gala 2026: મેટ ગાલા 2026 ફરી એકવાર વિશ્વભરમાં ચર્ચાનો વિષય બન્યો. પરંતુ આ વખતે તે ફક્ત ફેશન જ નહીં પરંતુ કાંઈક અલગ કારણોસર ચર્ચામાં છે. મુકેશ અંબાણી અને નીતા અંબાણીની પુત્રી ઈશા અંબાણીએ ગોલ્ડ થ્રેડથી બનેલી ખાસ સાડી પહેરીને બધાને આશ્ચર્યચકિત કર્યા. જોકે, તેના લુકના એક અનોખા હિસ્સાએ સૌથી વધુ ધ્યાન ખેંચ્યું તે છે મેન્ગો શેપ્ડ એક્સેસરી જેણે સોશિયલ મીડિયા પર ધૂમ મચાવી દીધી છે.
ઈશા અંબાણીનો લુક
મેટ ગાલા 2026માં ઈશા અંબાણીએ પોતાના શાહી અંદાજથી બધાને મોહિત કર્યા હતા. તેણે ડિઝાઇનર ગૌરવ ગુપ્તા દ્વારા ડિઝાઇન કરાયેલી ગોલ્ડ થ્રેડથી બનેલી સાડી પહેરી હતી અને તેમની માતા નીતા અંબાણીના કલેક્શનમાંથી ઘરેણાં પહેર્યા હતા. જોકે, તેમના સમગ્ર લુકમાં સૌથી વધુ ચર્ચાસ્પદ મેન્ગો શેપ્ડ એક્સેસરી હતી.
રેડ કાર્પેટ પરથી ફોટા વાયરલ થતાં જ લોકો માનતા હતા કે ઈશા અંબાણીએ ખરેખર સ્ટાઇલ સ્ટેટમેન્ટ તરીકે મેન્ગો કેરી કરી હતી. ચાહકો તેને લઈને અનેક અંદાજ લગાવવા લાગ્યા હતા. કેટલાક તેને સંસ્કૃતિ સાથે જોડી રહ્યા છે, જ્યારે અન્ય લોકો તેને ફક્ત એક અનોખી ફેશન એલિમેન્ટ માની રહ્યા છે.
View this post on Instagram
જોકે, ઈશા અંબાણીએ પોતે આ કાર્યક્રમમાં આ વિશે વાત કરી હતી. આ ખાસ એક્સેસરી વિશે પૂછવામાં આવતા તેણે સ્પષ્ટતા કરી કે તે વાસ્તવિક ફળ નથી, પરંતુ એક આર્ટવર્ક છે. તેણે કહ્યું કે આ ખાસ કૃતિ પ્રખ્યાત ભારતીય કન્ટેમ્પ્રેરી આર્ટિસ્ટ સુબોધ ગુપ્તા દ્વારા બનાવવામાં આવી છે, જેનાથી તેમનો આખો દેખાવ વધુ અનોખો બન્યો છે. ઈશા અંબાણીએ વધુમાં સમજાવ્યું કે આ એક્સેસરી વાસ્તવિક કેરી નથી, પરંતુ સ્ટીલથી બનેલી એક કલાકૃતિ છે, જે લગભગ બે દાયકા જૂની છે.
ઈશા અંબાણી અને મનીષ મલ્હોત્રા સહિત ભારતના સ્ટાર્સ મેટ ગાલા 2026ના રેડ કાર્પેટ પર ઉતરી ચૂક્યા છે. કરણ જોહરે આ વર્ષે મેટ ગાલામાં ડેબ્યૂ કર્યું હતું. તેણે તેના મિત્ર મનીષ મલ્હોત્રાના કલેક્શનમાંથી આઉટફિટ પહેરીને રેડ કાર્પેટ પર એન્ટ્રી કરી હતી. ઈશા અંબાણીનો લુક પણ ચર્ચાનો વિષય બન્યો હતો.
ટોપ સ્ટોરી
ટ્રેન્ડિંગ સમાચાર
