બોલિવૂડની આ એક્ટ્રેસને મુંબઈ પોલીસે આપી ચેતવણી! કહ્યું- 7 વર્ષની જેલ થશે

ધ સ્કાઈ ઈઝ પિંકનું ટ્રેલર સોમવારે રિલીઝ થયું હતું. ત્યાર બાદ મહારાષ્ટ્ર પોલીસની નજર આ ફિલ્મના ટ્રેલર પર પડી.

નવી દિલ્હીઃ મહારાષ્ટ્ર પોલીસે એક્ટ્રેસ પ્રિયંકા ચોપરા અને ફરહાન અખ્તરને તેની આગામી ફિલ્મ ધ સ્કાઈ ઈઝ પિંકના એક દ્રશ્ય માટે રસપ્રદ અંદાજમાં ચેતવણી આપી છે. ધ સ્કાઈ ઈઝ પિંકનું ટ્રેલર સોમવારે રિલીઝ થયું હતું. ત્યાર બાદ મહારાષ્ટ્ર પોલીસની નજર આ ફિલ્મના ટ્રેલર પર પડી, જેમાં પ્રિયંકા ફરહાનને કહે છે કે, જેવી જ તેની દીકરી આયશા ઠીક થઈ જશે એટલે આપણે બેંક લૂંટી લઈશું.

Seven years imprisonment with fine under IPC Section 393 #ColoursOfLaw #TheSkyIsPink @priyankachopra @FarOutAkhtar pic.twitter.com/0lTGrY0uZS

— Maharashtra Police (@DGPMaharashtra) September 10, 2019

ટ્રેલર બાદ મહારાષ્ટ્ર પોલીસે ચેતવણી આપતા લોકોને એક મેસેજ પહોંચાડ્યો છે. મહારાષ્ટ્ર પોલીસે ટ્વીટ કર્યું કે, ‘ IPC સેક્શન 393 મુજબ 7 વર્ષની સજા થાય છે. #ColoursOfLaw #TheSkyIsPink @priyankachopra @FarOutAkhtar’ સાથે તેમણે એક ફોટો શેર કર્યો જેમાં પ્રિયંકા કહી રહી છે એક વખત આયશા ઠીક થઈ જાય, પછી સાથે બેંક લૂંટીશું.

Oops ???????? caught red handed… time to activate Plan B @FarOutAkhtar!#TheSkyIsPink ???? https://t.co/bvyPgFM6gi

— PRIYANKA (@priyankachopra) September 10, 2019

પ્રિયંકા ચોપડાએ પણ મહારાષ્ટ્ર પોલીસનું ટ્વીટ શેર કરતા લખ્યું કે ‘OOPS..રંગે હાથે પકડાઈ ગઈ. હવે પ્લાન બી એક્ટિવ કરવો પડશે.’ ફિલ્મ આયશા ચૌધરીના જીવનની આસપાસ બનેલી સત્ય ઘટના પર આધારિત છે. તે એક યુવા લેખક અને મોટિવેશન સ્પીકર હતી. આયશાનો જન્મ 27 માર્ચ 1996માં દિલ્હીમાં થયો હતો. ગંભીર બીમારી પલ્મનરી ફાઈબરોસિસને કારણે આયશા માત્ર 18 વર્ષની ઉંમરે જ તેનું મૃત્યું થઈ ગયું.