રાજ કુન્દ્રાની ગુપ્ત તિજોરીમાંથી મળ્યો અશ્લીલતાનો ભંડાર, બીજું શું મળ્યુ કે જેના આધારે શિલ્પા શેટ્ટી થઈ શકે છે જેલભેગી ?

આ કેસમાં રાજ કુન્દ્રાની પત્ની અને બૉલીવુડ અભિનેત્રી શિલ્પા શેટ્ટી પણ બરાબરની ફસાઇ શકે છે. કેમકે પોર્ન કેસમાં શિલ્પા સંડોવાયેલી હોવાનુ ખુલી શકે છે. 

Raj_Kundra

મુંબઇઃ રાજ કુન્દ્રા પોર્નોગ્રાફી કેસમાં મુંબઇ પોલીસની ક્રાઇમ બ્રાન્ચની ટીમ જબરદસ્ત રીતે તપાસ ચલાવી રહી છે. રાજ કુન્દ્રા હાલ પોલીસ કસ્ડીમાં છે, પોલીસ પુછપરછ અને દરોડા-તપાસ દરમિયાને કેટલાક નામો અને ખરાબ કામો સામે આવ્યા છે. પરંતુ હવે આ કડીમાં રાજ કુન્દ્રાની પત્ની અને બૉલીવુડ અભિનેત્રી શિલ્પા શેટ્ટી પણ બરાબરની ફસાઇ શકે છે. કેમકે પોર્ન કેસમાં શિલ્પા સંડોવાયેલી હોવાનુ ખુલી શકે છે. 

જ્યારે આ કેસમાં મુંબઈ ક્રાઈમ બ્રાન્ચે રાજ કુન્દ્રાની ઓફિસ પર દરોડા પાડ્યા હતા જ્યાં તેમને એક ગુપ્ત કબાટ મળ્યુ હતુ. આ કબાટમાંથી ઘણા કાગળો અને ફાઇલો નીકળી હતી. આ કિસ્સામાં એક મહત્વપૂર્ણ સમાચાર એ છે કે આ ગુપ્ત કબાટમાંથી અશ્લીલ-પોર્ન ફિલ્મોની સ્ક્રિપ્ટો અને અન્ય દસ્તાવેજો મળી આવ્યા છે, જે સાબિત કરી રહ્યા છે કે રાજ કુન્દ્રાની ધરપકડ કરવામાં આવી હોવા છતાં પણ તેમની કંપની શૂટિંગ ચાલુ રાખશે. એટલું જ નહીં, આ ગુપ્ત તિજોરી શિલ્પા શેટ્ટીની સમસ્યાઓ પણ વધારી શકે છે.

ખાસ વાત છે કે, હજુ પણ રાજ કુન્દ્રા એન્ડ કંપની પોર્ન ફિલ્મો બનાવવાની યોજના બનાવી રહી છે. હિન્દીમાં અશ્લીલ ફિલ્મની તાજી સ્ક્રિપ્ટ રાજ કુન્દ્રાના ઘરની છુપાયેલી તિજોરીમાંથી મળી આવી છે. આ સ્ક્રિપ્ટ રોમન અને દેવનાગરી એમ બંને ભાષામાં લખેલી છે. એવી સંભાવના છે કે આ કંપની ગુપ્ત રીતે આવી સામગ્રીનું નિર્માણ કરી રહી છે. એટલું જ નહીં, શિલ્પા શેટ્ટી અને ગેહના વશિષ્ઠના હૉટશોટ અને અન્ય એપ્સના કન્ટેન્ટ પોર્ન નહીં ઇરોટિક હોવાનો દાવાની તપાસ માટે જાણકારોની મદદ લેવામાં આવી રહી છે. આ બધુ થયા બાદ નક્કી થશે કે આ ગુનો કેટલો ગંભીર છે. ગુપ્ત કબાટમાંથી મળેલા મોટાભાગના ડૉક્યૂમેન્ટેસ પર શિલ્પા શેટ્ટીએ સહી કરેલી છે. આવી સ્થિતિમાં એવું માનવામાં આવે છે કે આ મામલે શિલ્પાની ફરીથી પૂછપરછ થઈ શકે છે. જો આરોપો નક્કી થશે તો એક્ટ્રેસ શિલ્પા શેટ્ટી પણ જેલ ભેગી થઇ શકે છે.  

પોલીસે કરેલી તપાસમાં એવું પણ બહાર આવ્યું છે કે શિલ્પાની માતા સુનંદા સુરેન્દ્ર શેટ્ટી પણ આ કંપનીમાં સપ્ટેમ્બર 2020 સુધી ડિરેક્ટર પદે હતા. આ ઉપરાંત જપ્ત કરાયેલી આ પ્રકારની ફાઇલો બોક્સમાંથી મળી આવી છે, જેમાં નાણાકીય લેવડદેવડ અને મુખ્યત્વે ક્રિપ્ટો ચલણમાં રોકાણના પુરાવા પણ મળી આવ્યા છે.