#MeToo: સલમાનની Ex-ગર્લફ્રેન્ડે કહ્યું- બાળપણમાં થયું હતું જાતીય શોષણ

નોંધનીય છે કે, સોમી અલીએ બોલિવૂડમાં એન્ટ્રી માત્ર સલમાન ખાનને મળવા માટે કરી હતી. તેની સાથે લગ્ન કરવા માગતી હતી. બન્ને 8 વર્ષ સુધી એક બીજાને ડેટ કરતા રહ્યા. જોકે આ સંબંધ લગ્ન સુધી ન પહોંચી શક્યા. બ્રેકઅપ બાદ સોમી ફ્લોરિડા ચાલી ગઈ હતી. સોમીએ અનેક વર્ષો સુધી બોલિવૂડથી દૂર રહી હતી. હવે તે સામાજિક કાર્યકર તરીકે કામ કરે છે. અમેરિકામાં તે એક એનજીઓ ચલાવે છે જે પીડિત મહિલાઓની મદદ કરે છે.

સોમી અલી પાકિસ્તાની છે. તેણે ખુલાસો કરતાં કહ્યું કે, હું એક એવા માહોલમાં ઉછરી છું જ્યાં મહિલાઓ ઘરેલુ હિંસાનો ભોગ બનતી હતી. મારી માતાની અનેક ફ્રેન્ડ શારીરિક શોષણનો ભોગ બનતી હતી. જ્યારે હું માતાને આ મામલે પૂછતી કે તેમને શું થયું છે? તો માતા કહેતી કે તે સીડીઓ પરથી પડી ગઈ છે.

સોમીએ કહ્યું કે, ‘5 વર્ષની ઉંમરે મારા ગરમાં કામ કરનાર સહાયકે મારું જાતીય શોષણ કર્યું હતું. જ્યારે મને યૂએસમાં યૂનિવર્સિટી ઓફ હાઈ સ્કૂલમાં વાતચીત માટે બોલાવવામાં આવી હતી ત્યારે ત્યાં હાજર બાળકો સાથે મેં આ ઘટના શેર કરી હતી.’ સોમી આગળ કહે છે કે, મને લાગે છે કે વ્યક્તિગત અનુભવો શેર કરવા જોઈએ, તેનાથી બીજાને બોલવાની તાકત મળે છે. તે પીડિત બનીને ખુદને અપમાનિત નહીં અનુભવે.

નવી દિલ્હીઃ સલમાન ખાનની એક્સ ગર્લફ્રેન્ડ સોમી અલીએ એક અન્ટરવ્યૂમાં પોતાની #Metoo સ્ટોરી શેર કરી છે. સોમીએ ખુલાસો કર્યો છે કે, 5 વર્ષની ઉંમરમાં તેણે એક ભયાનક ઘટનાનો સામનો કરવો પડ્યો હતો. આ ખોટું કામ તેના ઘરમાં કામ કરનાર સહાયકે કર્યું હતું.