ટીવી શો 'તારક મહેતા...'ના આ જાણીતા એક્ટરનું હાર્ટ અટેકને કારણે નિધન

મુંબઇઃ લોકપ્રિય ટીવી શો ‘તારક મહેતા કા ઉલ્ટા ચશ્મા’માં ડોક્ટર હંસરાજ હાથીની ભૂમિકા નિભાવનારા એક્ટર કવિ કુમાર આઝાદનું નિધન થયું છે. એક્ટર લાંબા સમયથી આ શો સાથે જોડાયેલા હતા. એક્ટર કવિ કુમાર આઝાદનું મોત હાર્ટ અટેકને કારણે થયું છે.

એક્ટરના મોતથી ટીવી ઇન્ડસ્ટ્રીઝને ખૂબ મોટો ઝટકો લાગ્યો છે. મીડિયા રિપોર્ટ્સ અનુસાર, એક્ટરને 2010માં પોતાનું 80 કિલો વજન સર્જરીને કારણે ઓછું કર્યું હતું. આ સર્જરી બાદ તેમની લાઇફ સરળ બની ગઇ હતી. એક ઇન્ટરવ્યૂમાં તેમણે કહ્યું હતું કે, મને ખુશી છે કે લોકોએ મને મારા પાત્રને કારણે પસંદ કર્યો છે.

થોડા દિવસો અગાઉ એક્ટરના ટ્વિટર એકાઉન્ટ પર એક તસવીર પોસ્ટ કરવામાં આવી હતી. આ તસવીરમાં એક્ટરે કહ્યું હતું કે, ‘કીસી ને કહા હૈ કલ હો ના હો, મેં કહતા હું પલ હો ના હો. હર લમ્હા જિયો.’