બાહુબલીની આ એક્ટ્રેસ પર ફેંકાયુ જુતું, કારણ જાણીને તમે પણ ચોંકી જશો

તમન્ના ભાટિયા જ્યારે શૉપનું ઓપનિંગ કરી રહી હતી, ત્યારે 31 વર્ષીય એક વ્યક્તિએ તેના પર કથિર રીતે જુતુ ફેંક્યુ. પોલીસે જણાવ્યું કે અભિનેત્રી પર જુતુ ત્યારે ફેંકવામાં આવ્યું જ્યારે તે પોતાના ફેન્સથી ઘેરાયેલી હતી. તેમને જણાવ્યું કે જુતુ સ્ટૉરના એક કર્મચારીને વાગ્યું હતું.

તેમને જણાવ્યું કે જે કર્મીને જુતુ વાગ્યું હતું તેની ફરિયાદ પર આરોપી સામે ભારતીય દંડ સંહિતાની જુદીજુદી કલમોમાં કેસ નોંધવામાં આવ્યો છે. તમન્નાએ હિન્દી, તેલુગુ અને તામિલ ફિલ્મોમાં કામ કર્યું છે.

હૈદબાબાદઃ બાહુબલી ફેમ એક્ટ્રેસ તમન્ના ભાટિયા હૈદરાબાદના હિમાયતનગરમાં એક જ્વેલરી શૉપના ઉદઘાટન માટે પહોંચી હતી. આ દરમિયાન એક માથા ફરેલા શખ્સે તેને નિશાન બનાવીને જુતુ મારી દીધું, જોકે આ જુતુ શૉપના એક કર્મચારીને જઇને વાગ્યું હતું, તમન્ના બચી ગઇ હતી.

નારાયણગુડા પોલીસ સ્ટેશનના ઇન્સ્પેક્ટર બી રવિન્દ્રે પીટીઆઇ ભાષાને કહ્યું કે, બીટેકમાં સ્નાતક અને મુશીરાબાદનો રહેવાસી કરીમુલ્લાહે તમન્ના પર કથિત રીતે જુતુ ફેંક્યુ, જ્યારે તે સ્ટૉરમાંથી બહાર આવી રહી હતી. ઇન્સ્પેક્ટરે જણાવ્યું 'કરીમુલ્લાહને તરતજ પકડી લેવામાં આવ્યો છે અને પુછપરછમાં તેને જણાવ્યું કે તે તમન્નાની છેલ્લી કેટલીક ફિલ્મોના અભિનયથી નિરાશ થયો હતો.