![ABP Premium](https://cdn.abplive.com/imagebank/Premium-ad-Icon.png)
'RRR'ની સફળતા SS Rajamouliના માથે ચડી, ખુદને ગણાવ્યો ‘ભારતનો તાનાશાહ’
એસએસ રાજામૌલી અને તેમની ફિલ્મ 'RRR' દુનિયામાં ધૂમ મચાવી રહી છે. આ ફિલ્મ એક પછી એક આંતરરાષ્ટ્રીય એવોર્ડ જીતી રહી છે.'RRR'ની સફળતા એસ એસ રાજામૌલીને માથે ચડી ગઈ હોય તેવું લાગી રહ્યું છે.
!['RRR'ની સફળતા SS Rajamouliના માથે ચડી, ખુદને ગણાવ્યો ‘ભારતનો તાનાશાહ’ SS Rajamouli would love to make film in Hollywood, but says at home 'I am the dictator' 'RRR'ની સફળતા SS Rajamouliના માથે ચડી, ખુદને ગણાવ્યો ‘ભારતનો તાનાશાહ’](https://feeds.abplive.com/onecms/images/uploaded-images/2023/01/18/20fdfe4c4bb8ffeb80920c3cb7953c8d167402415919681_original.jpg?impolicy=abp_cdn&imwidth=1200&height=675)
SS Rajamouli On Hollywood Debut: નિર્દેશક એસએસ રાજામૌલી અને તેમની ફિલ્મ 'RRR' આ દિવસોમાં દુનિયાભરમાં ચર્ચામાં છે. પહેલા ફિલ્મને ગોલ્ડન ગ્લોબ એવોર્ડ, પછી ક્રિટિક્સ ચોઈસ એવોર્ડ એનાયત કરવામાં આવ્યો અને હવે બધાની નજર ઓસ્કર 2023 પર ટકેલી છે. આંતરરાષ્ટ્રીય પ્લેટફોર્મ પર મળી રહેલી સફળતા વચ્ચે એસએસ રાજામૌલીએ મોટું નિવેદન આપ્યું છે. 'RRR'ના ડિરેક્ટરે પોતાને 'ભારતનો તાનાશાહ' ગણાવ્યો છે. આવો જાણીએ શું છે સમગ્ર મામલો.
રાજામૌલી હોલીવુડમાં ફિલ્મ બનાવવાનું સપનું જોઈ રહ્યા છે
અમેરિકન મેગેઝિન એન્ટરટેઈનમેન્ટ વીકલીના એવોર્ડિસ્ટ પોડકાસ્ટે ઈન્ટરવ્યુ દરમિયાન એસએસ રાજામૌલીને હોલીવુડની ફિલ્મોમાં કામ કરવાની તેમની યોજના વિશે પૂછ્યું હતું. તો દિગ્દર્શકે કહ્યું, "હોલીવુડમાં ફિલ્મ બનાવવાનું વિશ્વના દરેક ફિલ્મ નિર્દેશકનું સપનું હોય છે. હું પણ તેમની જેમ જ સપનું જોઉં છું. હું દરેક રીતે પ્રયોગ કરવા તૈયાર છું."
મને કોઈ કહી શકે નહી ફિલ્મ કેવી રીતે બને છે- રાજામૌલી
પોતાની વાત ચાલુ રાખતા એસ.એસ. રાજામૌલીએ કહ્યું, "હું હજુ પણ થોડો મૂંઝવણમાં છું કે આગળ શું કરવું. ભારતની વાત કરીએ તો હું ત્યાંનો તાનાશાહ છું. ત્યાં ફિલ્મ કેવી રીતે બનાવવી તે મને કોઈ કહી શકતું નથી. પરંતુ અહીં મને ખાતરી છે કે હું કંઈક નવું શીખી શકું છું. કદાચ હું પહેલીવાર કોઈની સાથે મળીને પ્રોજેક્ટ કરીશ."
'RRR' એ ઈતિહાસ રચ્યો
તમને જણાવી દઈએ કે એસએસ રાજામૌલી દ્વારા નિર્દેશિત 'RRR' એ તાજેતરમાં ઘણા આંતરરાષ્ટ્રીય એવોર્ડ જીત્યા છે. રાજામૌલીને ન્યૂયોર્ક ફિલ્મ ક્રિટિક્સ સર્કલ દ્વારા શ્રેષ્ઠ દિગ્દર્શકનો એવોર્ડ આપવામાં આવ્યો છે. તાજેતરમાં જ આ ફિલ્મના ગીત નાતું નાતુને બેસ્ટ ઓરિજિનલ સોંગનો એવોર્ડ મળ્યો છે. આ પછી ફિલ્મને શ્રેષ્ઠ વિદેશી ભાષા માટે ક્રિટિક્સ ચોઈસ એવોર્ડ પણ મળ્યો.
રાજામૌલી હોલીવુડ ડેબ્યુની તૈયારી કરી રહ્યા છે
તમને જણાવી દઈએ કે રાજામૌલી પહેલા 'RRR' એક્ટર જુનિયર એનટીઆર અને રામ ચરણને પણ હોલીવુડની ફિલ્મોમાં કામ કરવા અંગે તેમના મંતવ્યો પૂછવામાં આવ્યા હતા. રાજામૌલી પ્રતિભાશાળી દિગ્દર્શક છે અને તેમણે પોતાની ફિલ્મો દ્વારા આ સાબિત કર્યું છે. હવે તેમની ઈચ્છા હોલીવુડ ડેબ્યુને લઈને પણ સ્પષ્ટ છે. હવે જોવાનું એ રહેશે કે તેઓ અહીં શું નવું કરી બતાવે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)