Video: ‘તારક મહેતા…’માં આ રીતે શૂટ થયો બબીતાજી-જેઠાલાલનો ડાન્સ, જુઓ પડદા પાછળનું રહસ્ય

દર્શકોને હતું કે હંમેશા થાય છે તેમ બબીતાજી અને જેઠાલાલનું પર્ફોર્મન્સ સાથે આવશે પરંતુ આ વખતે એવું ના થયું.

નવી દિલ્હીઃ ટીવીનો સૌથી પોપ્યુલર શો ‘તારક મહેતા કા ઉલ્ટા ચશ્મા’ કોઈને કોઈ વાતને લઈ ચર્ચામાં રહેતો હોય છે. એ જ રીતે હાલમાં ગોલુલધામ સોસાયટીમાં ગણેશોત્સવની ઉજવણી થઈ રહી છે. ગોકુલધામ સોસાયટીમાં દર વર્ષની જેમ આ વર્ષે પણ રંગારંગ કાર્યક્રમનું આયોજન કરવામાં આવ્યું. એમાં દર્શકોને સૌથી વધારે રાહ હતી બબીતાજી અને જેઠાલાલના પર્ફોર્મન્સની, અને એનો જ વીડિયો સામે આવ્યો છે. દર્શકોને હતું કે હંમેશા થાય છે તેમ બબીતાજી અને જેઠાલાલનું પર્ફોર્મન્સ સાથે આવશે પરંતુ આ વખતે એવું ના થયું. બબીતા અને ઐય્યરે ‘મેને તુજકો દેખા’ ગીત પર ડાન્સ કર્યો. જો કે, આ સોન્ગમાં પણ એક ડ્રીમ સિક્વન્સ બતાવાઈ હતી જેમાં બબીતાજી સાથે જેઠાલાલે ડાન્સ કર્યો. એટલે જેઠાલાલ અને બબીતાની જોડીને એકસાથે ડાન્સ કરતા જોવાની દર્શકોની ઈચ્છા તો પૂરી થઈ જ.

View this post on Instagram

 

Credits : Song : Maine Tujhko Dekha Movie : Golmaal Again Music : @tseries.official

A post shared by MUNMUN DUTTA 🧚🏻‍♀️🦋 (@mmoonstar) on Sep 21, 2019 at 9:44pm PDT

બબીતાજી એટલે કે એક્ટ્રેસ મુનમુન દત્તાએ ઈન્સ્ટાગ્રામ પર એક વીડિયો શેર કર્યો છે. જેમાં આખું ગીત કઈ રીતે શૂટ થયું તે જોવા મળી રહ્યું છે. કોરિયોગ્રાફર, એક્ટર અને ડાયરેક્ટરની કલાકોની મહેનત હોય છે. ત્યારબાદ આપણે 2-3 મિનિટનું પરફોર્મન્સ જોવા મળે એ વાત આ વીડિયોમાં જાણવા મળી રહી છે. મુનમુને શેર કરેલા BTS (બિહાઈન્ડ ધ સીન) વીડિયોમાં તમે આખું ગીત કઈ રીતે શૂટ થયું તે જોઈ શકો છો. એક ગીતનું શૂટિંગ કરવું આપણે ધારીએ છીએ તેટલું સહેલું નથી હોતું. કોરિયોગ્રાફર, એક્ટર અને ડાયરેક્ટર સહિત આખી ટીમની કલાકોની મહેનત હોય છે. જે તેમણે માત્ર 2-3 મિનિટમાં આપણી સામે રજૂ કરવાની હોય છે. વીડિયોના અંતે કોરિયોગ્રાફરની ટીમ સાથે પણ મુનમુને તસવીર શેર કરી છે. સાથે જ તમે વીડિયોમાં જોઈ શકો છો કે કામની સાથે કેટલી મસ્તી કરી રહ્યા છે. આ વીડિયો જોઈને ‘તારક મહેતા કા ઉલ્ટા ચશ્મા’ના દર્શકોને મજા પડી જશે.