આ વર્ષે જુલાઈમાં લોન્ચ થઈ શકે છે Jioનો સ્માર્ટફોન, જાણો કિંમત અને ફીચર્સ

અહેવાલ અનુસાર, ગ્રાહકો આ ફોનને જુલાઈની શરૂઆતમાં પ્રી ઓર્ડર બુક કરાવી શકશે. ઓગસ્ટ સુધીમા આ ફોન ગ્રાહકોને મળી જશે. આ ફોન જિઓ સ્ટોર્સ, રિલાયન્સ ડિજીટલ સ્ટોર્સ અને જિઓની ઓફિશિયલ વેબસાઈટ પર સેલ થશે. કહેવાય છે કે, આ ફોન એન્ડ્રોઈડ ગો ઈન્ટરફેસ સાથે આવશે.

નવી દિલ્હીઃ ભારત વિશ્વનું બીજું સૌથી મોટું મોબાઈલ માર્કેટ છે, આ જ કારણે અહીં તમે ઢગલો સ્માર્ટફોન્સ અને સ્માર્ટફોન કપંનીઓ જોઈ શકો છો. જોકે દેશની પોતાની ટેલીકોમ કંપની રિલાયન્સ જિઓ JioPhone અને JioPhone 2 દ્વારા ભારતના ફીચર ફોન બજારને અલગ રીતે ટાર્ગેટ કર્યો છે. જિઓની પહેલેથી જ ફીચર ફોન બજારમાં મોટી હિસ્સેદારી છે અને હવે અહેવાલ આવી રહ્યા છે કે કંપની એક નવો સ્માર્ટફોન લોન્ચ કરી શકે છે. આ સ્માર્ટફોનને જુલાઈમાં AGM દરમિયાન લોન્ચ કરવામાં આવી શકે છે.