પાટડીઃ BJP નેતાના પુત્રે દલિત યુવતી સાથે મંદિરમાં લગ્ન કરી બાંધ્યા સેક્સ સંબંધો, પછી શું કર્યું?

અમદાવાદ આવેલા બિટ્ટુએ પોત પ્રકાશ્યું હતું અને યુવતી સાથે રહેવાનો ઇનકા કરીને ત્યાંથી નીકળી ગયો હતો. બીજી તરફ વિશ્વાસઘાત થતાં યુવતી પોતાના ઘરે પરત ફરી હતી અને તેણે પાટડી પોલીસ સ્ટેશનમાં બિટ્ટુ વિરૂધ્ધ લગ્ન કરવાની લાલચ આપી બળાત્કાર કર્યાની ફરિયાદ નોંધાવી હતી. જેના આધારે પોલીસે આરોપી બિટ્ટુને પકડવાના ચક્રો ગતિમાન કર્યા છે.

યુગલને ચોથા દિવસે સુરતથી પકડવામાં આવ્યા હતા. સુરત પોલીસે બન્નેના પરિવારજનોને જાણ કરી હતી. તેઓ તાબડતોબ સુરત દોડી પહોંચ્યા હતા. જોકે, બન્નેએ પોતાની રીતે જીંદગી જીવવાનું રટણ કરતાં પરિવારજનો પરત ફર્યા હતા. આ પછી આ યુગલ અમદાવાદ આવી ગયું હતું.

બીજી તરફ પાટડી તાલુકાના મૂળ દેગામના અને હાલ પાટડી શ્રીનાથજી સોસાયટીમાં રહેતા પાટડી તાલુકા ભાજપ પ્રમુખ જયંતિભાઇ પટેલનો યુવાન પુત્ર બિટ્ટુ પાટડી તાલુકાના નવરંગપુરા ગામની 19 વર્ષની દલિત યુવતીને ભગાડી ગયો હોવાના સમાચાર આસપાસમાં ફેલાઇ જતાં ખળભળાટ મચી ગયો હતો. બંને પરિવાર અને પોલીસે તેમની શોધખોળ કરતાં તેઓ સુરતથી મળી આવ્યા હતા.

આ અંગે મળતી માહિતી પ્રમાણે સુરેન્દ્રનગર જિલ્લાના પાટડી તાલુકાના ભાજપ પ્રમુખ જયંતિ પટેલના પુત્ર બીટ્ટુએ પાટડીના નવરંગપુરા ગામની 19 વર્ષીય દલિત યુવતીના પ્રેમમાં પડ્યો હતો. તેમજ ગત ત્રીજી ડિસેમ્બરે આ યુવતીને ભગાડી ગયો હતો અને તેને સચાણાના મેલડી માતાના મંદિરે લઈ જઈને ત્યાં લગ્ન કર્યા હતા. બીટ્ટુએ સેંથામાં સિંદૂર પૂરી ગળામાં મંગળસૂત્ર પહેરાવી દલિત યુવતીને પત્ની તરીકે સ્વીકારી હતી.

સુરેન્દ્રનગરઃ ભાજપના નેતાના પુત્રે એક દલિત યુવતીને ભગાડી જઈને બળાત્કાર ગુજાર્યો હોવાની ઘટના સામે આવતાં ખળભળાટ મચી ગયો છે. આ અંગે યુવતીએ પાટડી પોલીસ સ્ટેશનમાં બળાત્કારની ફરિયાદ નોંધાવતાં પોલીસે તપાસ હાથ ધરી છે. બીજી તરફ ભાજપના નેતાનો પુત્ર બળાત્કારની ફરિયાદ પછી ફરાર થઈ ગયો છે.