2019 લોકસભા ચૂંટણી સુધી બીજેપીના અધ્યક્ષ રહેશે અમિત શાહ, પાર્ટીમાં નહીં થાય ચૂંટણી

પાર્ટીમાં સંગઠનની ચૂંટણી એક વર્ષ માટે ટાળવાનો નિર્ણય લેવમાં આવ્યો છે. ઉપરાંત 2019 લોકસભા ચૂંટણી અમિત શાહના નેતૃત્વમાં લડવાનો ફેંસલો પણ લેવામાં આવ્યો. એટલે કે અમિત શાહ જાન્યુઆરી 2019 બાદ પણ અધ્યક્ષ બની રહેશે. શાહનો અધ્યક્ષ તરીકેનો ત્રણ વર્ષનો કાર્યકાળ જાન્યુઆરીમાં સમાપ્ત થાય છે.

નવી દિલ્હીઃ ભારતીય જનતા પાર્ટીની બે દિવસીય રાષ્ટ્રીય કાર્યકારિણીની બેઠક નવી દિલ્હીમાં ચાલી રહી છે. જેમાં 2019 લોકસભા ચૂંટણી અને વિવિધ રાજ્યોમાં આવનારી વિધાનસભા ચૂંટણીમાં મજબૂતીથી ઉતરવા માટેની રણનીતિ ઘડવામાં આવી રહી છે. બેઠકમાં આજે સંગઠનને લઈ કેટલાક મહત્વના નિર્ણયો પણ લેવામાં આવ્યા હતા.