સુપ્રીમ કોર્ટનો ઐતિહાસિક ચુકાદો, સમલૈંગિકતા હવે ગુનો નહીં ગણાય

‘કોઈપણ વ્યક્તિ તેના વ્યક્તિત્વથી બચી શકે નહીં. લોકોએ દ્રષ્ટિકોણ અને માનસિકતા બદલવી જોઈએ. હું જેવો છું તેવા જ રૂપમાં મારો સ્વીકાર કરવો જોઈએ’ તેમ ચીફ જસ્ટિસ દીપક મિશ્રાએ તેમના ચુકાદામાં જણાવ્યું હતું.

નાઝ ફાઉન્ડેશન નામની એક સ્વૈચ્છીક સંસ્થાએ કલમ 377નો મુદ્દો ઉઠાવી 2001માં દિલ્હી હાઇકોર્ટમાં કેસ કર્યો હતો જેણે બે પુખ્ત વયની વ્યક્તિઓ વચ્ચેના સમલૈંગિકતા સબંધોને અપરાધની શ્રેણીમાંથી રદ કર્યો હતો. કોર્ટે એ કલમને ગેરકાયદે ગણાવી હતી.2009ના હાઇકોર્ટના નિર્ણયને સર્વોચ્ચ અદાલતે 2013માં ઉલ્ટાવી નાંખ્યો હતો અને રિવ્યુ પીટીશનને ફગાવી હતી.