રાફેલથી બોફોર્સને બદલો લેવા માંગે છે કોંગ્રેસ, 2019માં બનાવશે મુખ્ય મુદ્દો!

કોંગ્રેસના રાજ્યસભા સાંસદ પીએલ પુનિયાએ કહ્યું કે, બોફાર્સને નકલી મુદ્દો બનાવ્યો હતો, જેનું કોર્ટમાં ખંડન થઈ ગયું છે. અસલી કૌભાંડ તો રાફેલ છે. એક ઉદ્યોગપતિને ફાયદો કરાવવા કેવી રીતે કિંમત વધારવામાં આવી તે કાચ જેવું સ્પષ્ટ છે. રાફેલ ડીલ 2019 ચૂંટણીનો મુખ્ય મુદ્દો હશે.

રાહુલ ગાંધી તેમની રેલીઓમાં સતત આ મુદ્દો ઉઠાવતા રહ્યા છે. ગત સપ્તાહ સંસદમાં અવિશ્વાસ પ્રસ્તાવ પર બોલતા પીએમની હાજરીમાં રાફેલ મુદ્દાને ગૃહમાં ઉઠાવ્યો હતો. રાહુલ ગાંધીએ વિવિધ રાજ્યોમાં રાફેલ જેવા મોટા મુદ્દા સરળ શબ્દોમાં મીડિયાને જણાવવા કહ્યું હતું. આ ઉપરાંત કોંગ્રેસ મીડિયા વિભાગ અને સોશિયલ મીડિયા વિભાગે આ મુદ્દાને લોકો સુધી પહોંચાડવા રણનીતિ બનાવી છે. આ મામલો શાંત થાય તે પહેલાં જ પૂર્વ રક્ષા મંત્રી એકે એન્ટનીએ પ્રેસ કોન્ફરન્સ કરીને રાહુલના આરોપને આગળ ધપાવ્યા હતા.