કેરળ: ભારે વિવાદ વચ્ચે મહિલાઓ માટે સબરીમાલા મંદિરના કપાટ ખુલ્યા, 22 ઓક્ટોબર સુધી ખુલ્લા રહેશે મંદિરના દ્વાર

કેરળ: સબરીમાલા મંદિરમાં મહિલાઓના પ્રવેશ પર સંગ્રામ જારી છે. ત્યારે સુપ્રીમ કોર્ટના આદેશ આદેશ બાદ સબરીમાલા મંદિરના કપાટ આજે 5 વાગ્યે ખોલવામાં આવ્યા છે. મોટી ઘમસાણ બાદ મહિલાઓ મંદિરની સીડીઓ ચઢીને દર્શને ગઈ. મોટી સંખ્યામાં મહિલાઓ મંદિરમાં પ્રવેશી રહી છે, જ્યારે હજારો ભક્તો તેમને અટકાવવાનો પ્રયાસ કરી રહ્યા છે. ભક્તો આજે રાતે 10.30 વાગ્યા સુધી દર્શન કરી શકશે. મંદિરના કપાટ 22 ઓક્ટોબર સુધી ખુલ્લા રહેશે.

સુપ્રીમ કોર્ટે મંદિરમાં 10થી 50 વર્ષની મહિલાઓનો પ્રવેશ પર પ્રતિબંધ દૂર કર્યો હતો. મંદિર સાથે સંકળાયેલા લોકો અને સ્વામી આયયપ્પના અનુયાયીઓ તેમના નિર્ણય સામે વિરુદ્ધ નિર્ણય કહે છે. સુપ્રીમ કોર્ટના આદેશ છતાં મંદિરની આસપાસ મહિલા પ્રવેશ પર વિરોધ પ્રદર્શન કરવામાં આવી રહ્યું છે. તણાવની સ્થિતિને જોતાં સઘન સુરક્ષા કરવામાં આવી છે. મંદિર જવાના મુખ્ય રસ્તા નિલક્કલમાં સવારથી જ તણાવની સ્થિતિ છે. જેને લઈને ધારા 144 લાગુ કરવામાં આવી છે.

આ પહેલા પોલીસે મંદિરમાં મહિલાઓના પ્રવેશનો વિરોધ કરી રહેલી કેટલીક મહિલાઓની અટકાયત કરી હતી. સબરીમાલા મંદિરમાં મહિલાઓ પ્રવેશ ન કરે તેના માટે સ્થાનિક મહિલાઓ પણ રસ્તાઓ પર ઉતરી છે. ભાજપની મહિલા નેતાઓનું કહેવું છે કે સુરક્ષા અને કાનૂન-વ્યવસ્થાની જવાબદારી સરકારની છે. કેરળની LDF સરકાર નાસ્તિક છે એટલે કેરળના હિંદુઓની ભાવનાઓનું સમ્માન નથી કરી રહ્યું.

ઉલ્લેખનીય છે કે આ મંદિરમાં આ પહેલા 10 થી 50 વર્ષ ઉંમરની મહિલાઓન મંદિરમાં પ્રવેશ પર પ્રતિબંધ હતો. અહીં માત્ર નાની બાળકીઓ અને વૃદ્ધ મહિલાઓજ પ્રવેશ કરી શકે છે. સબરીમાલા મંદિરના સંચાલકનું કહેવું છે કે માસિક ધર્મના કારણે મહિલાઓ પોતાની વ્યક્તિગત શુદ્ધતા જાળવી નથી શકતી.