Karan Kundra Weight Loss: એક્ટર કરણ કુંદ્રાએ આ દેશી ટેકનિક અપનાવીને માત્ર એક મહિનામાં ઘટાડ્યું 12 કિલો વજન

એક ઇન્ટરવ્યુમાં, કરણ કુન્દ્રાએ ખુલાસો કર્યો કે, તેણે એક મહિનામાં લગભગ 12 કિલો વજન ઘટાડ્યું. સૌથી મહત્વની વાત એ છે કે, આ માટે તેણે ન તો કોઈ હાર્ડ વર્કઆઉટ કર્યું કે ન તો કોઈ ખાસ ડાયેટ ફોલો કર્યું

કરણ કુંદ્રાની વેઇટ લોસ જર્નિ

Source : instagram

Karan Kundra Weight Loss: વજન વધવું એ ફક્ત દેખાવ માટે જ નહીં પરંતુ સ્વાસ્થ્ય માટે પણ એક મોટી સમસ્યા બની ગઈ છે. અનિયમિત અને અવ્યવસ્થિત ખાવાની આદતો, તણાવ, મોડી રાત સુધી જાગવું અને શારીરિક પ્રવૃત્તિનો અભાવ આના મુખ્ય કારણો છે. સ્થૂળતા માત્ર આત્મવિશ્વાસ ઘટાડે છે, પરંતુ બ્લડ પ્રેશર, ડાયાબિટીસ, હૃદય રોગ અને સાંધાની સમસ્યાઓનું જોખમ પણ વધારે છે. આ જ કારણ છે કે હવે સારી ફિટનેસ ફક્ત સારા દેખાવા માટે જ નહીં પરંતુ લાંબા સમય સુધી સ્વસ્થ રહેવા માટે પણ જરૂરી બની ગઈ છે.

 ટીવી અને ફિલ્મ સ્ટાર કરણ કુન્દ્રાએ તાજેતરમાં આ વાત વધુ સ્પષ્ટ કરી છે. મીડિયા રિપોર્ટ્સ અનુસાર, તેણે માત્ર એક મહિનામાં લગભગ 12 કિલો વજન ઘટાડ્યું અને પોતાની ફિટનેસથી બધાને આશ્ચર્યચકિત કરી દીધા.

 જૂની પરંપરાઓનું પાલન કરીને વજન ઘટાડ્યું

તાજેતરમાં, એક અંગ્રેજી મીડિયાને આપેલા ઇન્ટરવ્યુમાં, કરણે ખુલાસો કર્યો કે તેણે એક મહિનામાં લગભગ 12 કિલો વજન ઘટાડ્યું. સૌથી ખાસ વાત એ છે કેઆ માટે તેણે ન તો કોઈ જબરદસ્ત વર્કઆઉટ કર્યું કે ન તો કોઈ ખાસ ડાયટ ફોલો  કર્યું, પરંતુ જૂની પરંપરાઓ અપનાવીને આ ફિટનેસ પ્રાપ્ત કરી.

તેણે કહ્યું, વજન ઘટાડવા માટે, મેં ફક્ત કેટલીક મૂળભૂત બાબતો પર ધ્યાન આપ્યું. જેમ હું બાળપણમાં કરતો હતો, તેમ હું ઘી ખાધું અને ફાસ્ટિંગ કર્યું. આની મદદથી, મેં સરળતાથી વજન ઘટાડ્યું.

કોઈ ટ્રેન્ડી ડાયટ પ્લાન નહીં, કોઈ શોર્ટકટ નહીં

કરણ કુન્દ્રા કહે છે, હું ક્રેશ ડાયટમાં માનતો નથી, પરંતુ ફક્ત કુદરતી પદ્ધતિઓમાં જ માનું છું. મને લાગે છે કે વિદેશી ડાયટ પ્લાન અહીંના લોકો માટે યોગ્ય રહેશે નહીં. મને સમજાયું કે આપણું શરીર અને આનુવંશિકતા પશ્ચિમી દેશોના લોકો કરતા અલગ છે, તેથી હું મારા મૂળ તરફ પાછો ફર્યો અને તે વસ્તુએ  કામ કર્યું.

કરણ કહે છે, ઘણા લોકો વજન ઘટાડવા માટે તમામ પ્રકારના ટ્રેન્ડી ડાયટ પ્લાન અને શોર્ટકટના ફંદામાં ફસાઈ જાય છે. તેનાથી વિપરીત, કરણે ઇન્ટરમિટન્ટ ફાસ્ટિંગ અથવા મોંઘા ડાયટ પ્લાન ટાળ્યા. તેણે સંતુલન અને સ્થિરતા પર આધારિત પદ્ધતિ પસંદ કરી જે સ્વાસ્થ્યને લાભ આપી શકે.

ઘીથી કેવી રીતે વજન ઘટાડ્યું

કરણ કહે છે કે, વજન ઘટાડવા માટે તેણે પોતાના આહારમાં ઘીનો સમાવેશ કર્યો હતો. અગાઉ, ઘણા સંશોધનોએ સ્પષ્ટ કર્યું છે કે ઘી વજન ઘટાડવામાં ખૂબ મદદરૂપ થઈ શકે છે. ઘી ચયાપચય વધારવામાં મદદ કરે છે, જેનાથી ચરબી બર્ન કરવાનું સરળ બને છે. આ ઉપરાંત, ઘી તમને પેટ ભરેલું અનુભવ કરાવે છે અને પાચનમાં પણ સુધારો કરે છે, જે બધા વજન ઘટાડવામાં મદદરૂપ થાય છે.

સંશોધન દર્શાવે છે કે તેમાં મીડિયમ  ચેઇન ફેટી એસિડ હોય છે જેનો ઉપયોગ ચરબી બર્ન કરવા માટે કરવામાં આવે છે. આ ઉપરાંત, ઘી પોષક તત્વોના વધુ સારા શોષણને પ્રોત્સાહન આપે છે, જેનાથી શરીરમાં નબળાઈ આવતી નથી.

ઉપવાસ એ વજન ઘટાડવાની એક પદ્ધતિ પણ રહી છે. ઉપવાસ મુખ્યત્વે કેલરી ઘટાડીને વજન ઘટાડવામાં મદદ કરે છે. ઉપવાસ ચયાપચયમાં પણ ફેરફાર કરે છે, જ્યાં શરીર ઊર્જા માટે ચરબી બાળવાનું શરૂ કરે છે. આ ઉપરાંત, ઉપવાસ ઘણા હોર્મોન્સને પણ અસર કરે છે, જે ચરબી બાળવામાં અને વજન ઘટાડવામાં મદદ કરે છે.