સાવધાન, રાત્રે મોડા ઊંઘવાની અને મોડા જાગવાની આદત આપને જલ્દી કરશે વૃદ્ધ, જાણો કેવી રીતે

Late Waking Side Effects : રોજની નાની આદતો પણ આપણી ઉંમરને અસર કરી શકે છે. જો તમે ઈચ્છો છો કે, વૃદ્ધાવસ્થા આપનાથી દૂર રહે તો કેટલીક આદતો સુધારવી જરૂરી

પ્રતીકાત્મક તસવીર

Source : freepik

Late Waking Side Effects : આજકાલ મોડી રાત સુધી જાગવું અને સવારે મોડે સુધી ન જાગવું એક સામાન્ય રૂટીન  બની ગયું છે. જો તમારી આદત પણ આ પ્રકારની છે તો તેને બદલી નાખો, કારણ કે તે તમને ઝડપથી વૃદ્ધ કરી શકે છે. દરરોજ મોડું જાગવું એ તમારી વૃદ્ધત્વ પ્રક્રિયાને ખરાબ રીતે અસર કરી શકે છે. એક અભ્યાસમાં ચોંકાવનારા ખુલાસા થયા છે, જે દર્શાવે છે કે આપણી ઊંઘવાની અને જાગવાની આદતો વૃદ્ધાવસ્થાને વધુ ખરાબ કરી શકે છે. ચાલો જાણીએ કે મોડે સુધી જાગવું અને વૃદ્ધાવસ્થા વચ્ચે શું સંબંધ છે...

મોડા ઉઠવાના ગેરફાયદા

સંશોધન દર્શાવે છે કે, જે લોકો દરરોજ મોડે સુધી જાગે છે, તેમના શરીરમાં સર્કેડિયન રિધમનું સંતુલન ખોરવાય છે. તેની સીધી અસર શરીરના કોષોના પુનઃનિર્માણ, ચયાપચય અને માનસિક સ્વાસ્થ્ય પર પડે છે. આ અસંતુલન ધીમે ધીમે વૃદ્ધાવસ્થાના લક્ષણોમાં વધારો કરી શકે છે.

મોડી રીત્રે  ઊંઘવાથી થતી સમસ્યાઓ

ચહેરા પર વહેલી કરચલીઓ આવે છે

મેમરી લોસ થાય છે

તણાવ અને હતાશા

રોગપ્રતિકારક તંત્રનું નબળું પડવું

થાક અને આળસમાં વધારો

બાયોલોજિક ક્લોક અને ઉંમર વધવાનું કનેકશન

આરોગ્ય નિષ્ણાતો કહે છે કે, આપણું શરીર એક નિશ્ચિત જૈવિક સમય અનુસાર કામ કરે છે. સૂર્યના ઉદય અને અસ્ત સાથે, શરીરમાં મેલાટોનિન અને કોર્ટિસોલ જેવા હોર્મોન્સ બહાર આવે છે, જે ઊંઘ અને ઊર્જાના સ્તરને નિયંત્રિત કરે છે. જ્યારે આપણે મોડે સુધી સૂઈએ છીએ અને મોડે સુધી જાગીએ છીએ, ત્યારે આ ચક્ર વિક્ષેપિત થાય છે, જેના કારણે વૃદ્ધત્વની પ્રક્રિયા ઝડપી બને છે.

જે લોકો મોડેથી જાગે છે તેમાં વૃદ્ધત્વના  ક્યાં દેખાય છે સંકેતો?

અભ્યાસ અનુસાર, જે લોકો મોડે સુધી જાગે છે તેમાં સોજો  જોવા મળે છે. જે શરીરના કોષોને નુકસાન પહોંચાડે છે. આ ઉપરાંત જે લોકો મોડે સુધી ઊંઘે છે તેમને કસરત અને શારીરિક પ્રવૃત્તિ માટેનો સમય પણ મળતો નથી  જેના કારણે હૃદય રોગ અને ડાયાબિટીસનું જોખમ પણ વધી જાય છે અને વર્કઆઉટનો અભાવ પણ ઝડપીથી આપને વૃદ્ધત્વ તરફ દોરી જાય  છે.