Research:શું આપ કાંડા પર ઘડિયાળ કે નાડાછડી, રિસ્ટબેન્ડ બાંધો છો? તો સાવધાન, રિસર્ચમાં થયો ચોંકાવનારો ખુલાસો

આજકાલ લોકો કૂલ લૂક માટે કાંડા પર નાડાછડી, રિસ્ટબેન્ડ બાંધે છે પરંતુ શું આપ જાણો છો કે, આ સ્વાસ્થ્ય માટે ખૂબ જ હાનિકારક સાબિત થાય છે. આ મુદે એક રિસર્ચ થયું છે. જેમાં આ મુદ્દે ખુલાસો થયો છે.

પ્રતીકાત્મક તસવીર

Research:આજકાલ લોકો  ખુદને  કૂલ અને આકર્ષક દેખાડવા માટે તેમના ગળામાં  જાડી ચેઇન  પહેરવાથી લઈને ટેટૂ કરાવવા સુધી બધું જ કરી રહ્યા છે. કેટલાક લોકોને હાથમાં રિસ્ટબેન્ડ પહેરવાનો પણ ખૂબ શોખ હોય છે. તમને રિસ્ટબેન્ડ પહેરવામાં ખૂબ જ આકર્ષક લાગશે, પરંતુ એક ચોંકાવનારી વાત સામે આવી છે. એક અધ્યયન મુજબ, તે ખતરનાક  રોગ પેદા કરતા હાનિકારક બેક્ટેરિયા કાંડા પરની પહેલી વસ્તુઓ જેમ કે સ્માર્ટ વોચ, ફિટનેસ ટ્રેકર્સ અને રિસ્ટબેન્ડમાં જોવા મળ્યા છે.

આ અભ્યાસ ચાર્લ્સ ઈ. ફ્લોરિડા એટલાન્ટિક યુનિવર્સિટીના સંશોધકોના સમૂહ દ્વારા કરવામાં આવ્યો છે. શ્મિટ કોલેજ ઓફ સાયન્સનો ઉદ્દેશ્ય કાંડા પરના માઇક્રોબાયલ કોન્ટેમિનેશન  વિશે જાણવાનો હતો. અલગ-અલગ લોકો પાસેથી લેવામાં આવેલા સેમ્પલની તપાસ બાદ ચોંકાવનારા પરિણામો સામે આવ્યા છે. આ અભ્યાસમાં એવું કહેવામાં આવ્યું છે કે લોકોએ કાંડા પર પહેરવામાં આવતી વિવિધ વસ્તુઓ આપી હતી. તેમની તપાસ કર્યા બાદ જાણવા મળ્યું કે તેમના પર E. Coli અને Staphylococcus જેવા ખતરનાક બેક્ટેરિયા હાજર હતા. એટલું જ નહીં, ત્વચા અને શ્વસન સંબંધી ઇન્ફેકશન કરતા  કેટલાક બેક્ટેરિયાની હાજરી પણ તેમાં જોવા મળી.

અનેક રોગોનું જોખમ

ઇ. કોલી એ આવા જ એક બેક્ટેરિયા છે, જે સામાન્ય રીતે મનુષ્યો તેમજ પ્રાણીઓના આંતરડામાં જોવા મળે છે. આ બેક્ટેરિયા ફૂડ પોઈઝનિંગ અને યુરિનરી ટ્રેક્ટ ઈન્ફેક્શનનું કારણ બને છે. જ્યારે સ્ટેફાયલોકોકસ એક એવો બેક્ટેરિયા છે, જેને જો સમયસર કાબૂમાં લેવામાં ન આવે તો ત્વચામાં ચેપ અને ન્યુમોનિયા જેવી સ્વાસ્થ્ય સમસ્યાઓ સર્જી શકે છે. કાંડા પર આ ખતરનાક અને હાનિકારક બેક્ટેરિયાની હાજરી ચિંતા પેદા કરે છે. તો જે લોકો લોકો  કાંડા પર રિસ્ટબેન્ડ, સ્માર્ટ વોચ, ફિટનેસ ટ્રેકર પહેરે છે તેમને સાવધાન થઇ જવાની જરૂર છે.

રિસ્ટબેન્ડ પર બેક્ટેરિયા કેવી રીતે વિકસે છે?

રિસ્ટબેન્ડ ત્વચા સાથે સીધી જ  સંપર્કમાં આવે છે, જે બેક્ટેરિયાને ત્વચામાં પ્રવેશવાની તક આપે છે.

 શરીરમાંથી નીકળતો પરસેવો સામાન્ય રીતે કપડાની સાથે રિસ્ટબેન્ડ પર પણ જમા થઈ જાય છે. તમે જાણો છો કે પરસેવામાં બેક્ટેરિયા હોય છે, જે કાંડા પર ચોંટી જાય છે. આ પરસેવામાં મીઠું અને પોષક તત્વો હોય છે, જે બેક્ટેરિયા માટે ખોરાક તરીકે કામ કરે છે.

મોટા ભાગના લોકો સ્માર્ટફોન, લેપટોપ, રિસ્ટબેન્ડ, સ્માર્ટવોચ જેવા ઉપકરણોને સાફ કરવાનું જરૂરી નથી માનતા. ધૂળ અને માટીની સાથે હાથની ગંદકી અને તેના પર વિવિધ પ્રકારના બેક્ટેરિયા ચોંટી જાય છે, જે રોગો ફેલાવે છે. તો આ બધા જ ગેજેટને પણ સમયસર ક્લિન કરવા જરૂરી છે.