Health Tips: જો શરીરમાં આ લક્ષણો દેખાય તો હોઈ શકે છે ફેફસાનું કેન્સર

Health Tips: ફેફસાંનું કેન્સર એ એક ગંભીર રોગ છે જે પુરુષો અને સ્ત્રીઓ બંને માટે જોખમી સાબિત થઈ શકે છે. ઘણી વખત લોકોને કેન્સરની જાણ નથી થતી, જેના કારણે મોત પણ થઈ શકે છે.

પ્રતિકાત્મક તસવીર

Source : abp live

Health Tips: આજના સમયમાં કોઈપણ વ્યક્તિ કેન્સર જેવી ગંભીર બીમારીનો ભોગ બની શકે છે. કેન્સરના ઘણા પ્રકાર છે, જેમાંથી એક ફેફસાનું કેન્સર છે. આપણા શરીરમાં છાતીના ભાગમાં બન્ને તરફ ફેફસાં રહેલાં છે, જે શ્વાસોશ્વાસની ક્રિયામાં ભાગ લે છે. આજે આ ફેફસાંના કેન્સર વિશે જાણીશું  આ કેન્સર દરમિયાન સૌથી મોટી સમસ્યા એ છે કે તમને શ્વાસ લેવામાં તકલીફ થાય છે. આ સમયગાળા દરમિયાન, છાતીમાં દુખાવો, ગભરાટ અને તણાવ હોઈ શકે છે. ફેફસાંનું કેન્સર પુરુષો અને સ્ત્રીઓ બંને માટે ખતરનાક બની શકે છે. દર વર્ષે, ફેફસાના કેન્સરથી મૃત્યુ પામેલા લોકોની સંખ્યા સ્તન, કોલોન અને પ્રોસ્ટેટ કેન્સરથી મૃત્યુ પામેલા લોકોની સંખ્યા કરતાં વધી જાય છે. ચાલો જાણીએ તેના લક્ષણો અને નિવારણના ઉપાયો...

લક્ષણો

1. ઉધરસ જે ઠીક નથી થતી

2. શ્વાસ લેવામાં તકલીફ

3. છાતીમાં દુખાવો  

4. ગભરામણ

5. ઉધરસમાં લોહી આવવું

6. ગળામાં તકલીફ

7. ભૂખમાં ઘટાડો

8. વજન ઘટવું

9.ખભાનો દુખાવો

10. ચહેરો, ગરદન, હાથ અથવા છાતી પર સોજો

બચાવના ઉપાય

ધૂમ્રપાન કરશો નહીં - ધૂમ્રપાન છોડવાથી ફેફસાના કેન્સરને રોકવામાં મદદ મળી શકે છે. ધૂમ્રપાન છોડવા માટે તમારે માનસિક રીતે તૈયાર રહેવું પડશે. આ માટે તમે ડોક્ટરની સલાહ લઈ શકો છો.

સોયા પ્રોટીનનું સેવન કરો- દરરોજ સોયા પ્રોટીનનું સેવન કરવાથી ફેફસાના કેન્સરનું જોખમ ઘટાડી શકાય છે. આ માટે સોયાબીન, ટોફુ, ટેમ્પેહ, મિસો અને સોયા મિલ્કનું સેવન કરો.

કેન્સરનું કારણ બને તેવી વસ્તુઓથી બચો - વ્યક્તિએ એવા પદાર્થોથી દૂર રહેવું જોઈએ જેનાથી કેન્સર થવાનું જોખમ રહે છે.

ઘરમાં રેડોન ઘટાડવું- ઘરોમાં રેડોન ઘટાડવા માટે પગલાં લઈ શકાય છે.

ફળો અને શાકભાજી ખાઓ - દરરોજ ઓછામાં ઓછા પાંચ આખા ફળો અને શાકભાજી ખાવાથી ઘણા ફાયદા થઈ શકે છે. ફળો અને શાકભાજી શરીરને એન્ટીઓક્સીડેન્ટ પ્રદાન કરે છે, જે કેન્સર સામે લડવામાં મદદ કરે છે.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાતની સલાહ લેવી જોઈએ.

આ પણ વાંચો....